انكسر قلبي للمره الثانيه

السلام عليكم
لو سمحتوا يا اخواتي ليس لي بعد الله الا انتم بعد خمسه شهور من زواجي فتحت جوال زوجي ولقيته يكلم وحده وطلب منها صورتها وترسل له صور بيبي اتوقع هي كانت في الاربعين والبنت هاذي تقرب له
وتناقشت معه وزعل ورحت لبيت اهلي بعدين جا لعندي قالي انه انهى الموضوع وخلاص ورجعت معه وانحلت المشكله
وانا ماصرت افتح جواله ولا امسكه ابداً
بعد سبعه شهور من الموضوع الي هو يوم امس طلعت انا وهو نتعشى في مطعم الا يقول الي ياخذ الطلب "ليش مافي جيب بيبي نوم" طبعاً انا لسى ماحملت طبعاً زوجي جلس يناضر فيه مرتاع هز راسه لتحت كيذا لمى راح سألته قلت وش يقول بيبي ؟ قال يقصد صورة بنت اخوي لاني حاطها خلفيه لجوالي
تكفون ساعدوني هل اقول لامي وابوي بس انا مابي اضايقهم للمره الثانيه او هل الموضوع عادي ولا اتجاهل تكفون ساعدوني ممكن انا بعض الاحيان اتحسس ...
الله يسعد الي ترد وتخفف عني من امس وانا ماقدرت اقول لأحد

33 تعليق 9,964 مشاهدة

شاركي في النقاش

سجلي الدخول لإضافة تعليق.

التعليقات

28
  1. @saaodyh_oaooo

    طييب مادام كل هاذا واجهيه وقولي له ياتقول لي بكل شي او بفضحك
    واذا مارضي
    روحي للمره الي يراسلها لانك قلتي تقرب له اكيد تعرفيها دامها تقرب له


    بس اذا ماتعرفيها مدري احسه تززجها وهاذي طفلته ولا ليش بترسل له صورتها ؟؟ونفس الشي الي حصل لك بلمطعم باين انه يجيبها له


    هاذا الي قدرت افسره
    بس انتي لازم تزعلي بينك وبينه وتخلينه يقول لك بكل السالفه
    واعطيه الامان قولي له خلاص الي حصل حصل بس ابي اعرف السالفه وش هي
  2. @tolan_1

    اذا ماعندك مانع توصلينها للانفصال حققي وابحثي
    اذا ماعندك استعداد تنفصلين صلحي نفسك غبية وحافظي على كرامتك. ماينفع يدري انك تدرين انه خاين وتستسلمين. ممكن تبحثين بصمت لكن لايكتشف انك حاسه بش
  3. @rere_7

    صاحبة الموضوع
    سعوديه واووو
    طييب مادام كل هاذا واجهيه وقولي له ياتقول لي بكل شي او بفضحك واذا مارضي روحي للمره الي يراسلها لانك قلتي تقرب له اكيد تعرفيها دامها تقرب له بس اذا ماتعرفيها مدري احسه تززجها وهاذي طفلته ولا ليش بترسل له صورتها ؟؟ونفس الشي الي حصل لك ب…
    هاذي الحرمه من جهة عمانه وهو منفصل عنهم لان امه مطلقه ولما حصلت المشكله المره الاولى وصارحته قال انها ناشبه لي وهم يبون يخربون علي حياتي عشان كيذا مشيتها بس انصدمت في المطعم

تابعي تجارب أخرى من هذا القسم.