‎✨✨التجمع الرابع لمواليد سبتـ9مبر**أكتـ10ـوبر 💝2017✨✨ربي يهون علينا💝

أختكم 37 سنه هجري و36 ميلادي 😁 وحسب أوراق المستشفى 😂
عندي بنت وولدين واصغرهم ماكمل سنة 😓 وإن شالله ربي يعنني ويرزقني البنت الصالحة الطيبه المعافه .
أكمل دراسة دكتواره ومحاضره في إحدى الجامعات السعودية .

الحمدلله الحمدلله الحمدلله خلصت الشهر 3 ودخلت 4 وماشيه في الاسبوع 14 .
والكروشات الي معايه بديتوا تحسوا بحركة البيبي ؟
الحمدلله حسيت فيها من حوالي أسبوع وكم مره الحمدلله .
وفعلا قالوا لمن البيبي يبدأ يتحرك يخف الوحم وتشوف الوحده العافية .
وعقبال البقية يااااارب .

معليش في موضوع يقرقع بقلبي من كم يوم .. وحابه اشوف رأيكم فيه .
فيه مره وحده كتبت في المنتدى عن الوحده لمن تعدي 34 ليه تحمل وانها عجووز واحسن لها تشوف نفسها وتخلي الخلفة لغيرها وان اطفالها لمن تحمل بيجيهم امراض وووو وكلام طويل عن الوحده فوق 34 سنه .
ووحده ثانيه تقول عن بنات الثلاثينات عوانس 😲
واكثر من موضوع يجيبوا طاري عوانس ؟
معقول فيه ناس لسى نظرتهم ان الوحده بعد الثلاثين وماتتزوج ولاتخلف وانها خلاص عجووز والي ماتزوجت عانس ؟؟؟
والله مستغربة من هذي العقليات ؟؟
معقول نظرات معظم الناس كذا وأنا بس الي أشوف غير ؟؟
والله من حق الوحده تخلف حتى وهيه في الاربعينات دامها بصحة وعافيه .
ومو شرط الي خلفت وتزوجت بدري انها هيه الصح والي تتزوج متاخر او تخلف متأخر انها غلط والافضل لها لاتحمل ولا تتزوج ولاشي ...
ليييييييه هي النظره ..
والله ياما بنات في الثلاثينات وكأنها في العشرينات مو مبين عليها والحمدلله عايشه حياتها وتزوجت وخلفت وعااادي ومع الاهتمام والعناية ابدا مو مبين انها في الثلاثينات والبعض في الاربعينات والله قمة الاناقة والرشاقة والجمال والدلال .
ليه هذي المعايير عند البعض .
والحمدلله والله انا 37 سنه واشوف نفسي كمان صغيره واروح واجي واحمل عاادي ولافكرت انه ممكن احد يقول ليه تحمل بهذا العمر وليه وليه .
حرام التحطيم للبنات الي لسى ماتزوجوا ودخلوا الثلاثينات .
ابغى ارائكم وبكل صراحة ..
وااسفه عالاطالة .

والله انا تحس العمر بس رقم في بنات بالثلاثينات يبينون اصغر من اعمارهم وانا انتقدت موضوع البنت اللي تتكلم عن الحمل بعد ال35 ورديت فموضوعها بس الله بهديها ويرزقها هي طلعت متاخره بالحمل عشان كذا طرحت الموضوع بس للاسف خانها التعبير والحسد الي معبيها والله يرزقها ويرزق كل متاخرة يارب

رأيي الشخصي ان لو الوحدة متأخرة بالحمل او الزواج تخلف العدد اللي تقدر تربيه
والافضل ان المرأه لما توصل 40 مايكون عندها صغير مو عشان شي بس لأن التربية بهذا الزمن صعبة، لو خلفت على الاربعين لما طفلها يوصل عمر مراهقه تكون عدت الخمسين! كيف يمديها توجه وتربي صح
ربنا الهادي صحيح لكن الانسان ياخذ بالاسباب عشان يربي عياله احسن تربية، والتربية مو بس للاطفال تربية المراهقين والكبار هي الاهم لازم تكون هي وزوجها بحيلهم عشان يقدروا عليهم
لو نلاحظ باغلب العوائل الصغير يكون كبر لما اهله كبروا واهملوا تربيته ويطلع الوحيد اللي اخلاقه مختلفة عن اخوانه اللي تربوا بحزم قبل
هذه وجهة نظري الشخصية 💜💜