شاركي في النقاش

سجلي الدخول لإضافة تعليق.

التعليقات

1,970

  1. @zhm_mshaaar_3

    يوووه على ضيق البيت البه يرزقنا جميعا ببيوت الملك ونتوسع ونرتاح انا ساكنه غرفتين وصاله ومطبخ فوق اهل زوجي والببت قديييييم والحين خلاص ضيق علينا وزوجي من عرف اني حامل يسعى ويبحث يدور قرض والا اي شي عشان نطلع بيت وانا اقوله يانطلع للملك يانستاجر خلاص بيصيرون اربعه صعبه كلهم بغرفه وحده..




    ان شاءالله يابنات مايجون البيبيات الجدد الا جاي معهم الرزق

  2. @zhm_mshaaar_3

    بسولف لكم شي وعلموني وش رايكم
    بحملي الثاني كنت جالسه عند ام زوجي واقولها بهذلتني رجلي اليسار الم زي الشد وقالت لي فيك ولد وفعلا طلع ولد
    والحمل الثالث جاني نفس الالم حتى قبل اعرف اني حامل وقلت لخالتي قالت لايكون حامل ؟؟ بس ان كنتي حامل تراه ولد وفعلا ماشاءالله طلع ولد


    المهم قبل شوي طلعت عندي فوق واقولها ياخاله نفسي اجيب لي كرسي والا قطعة اريكه احطها بالصاله مدري ليه احس بطني كني بالثامن مقدر انحني ولاشي والجلسه بالارض تعبتني قالت هذي البنت يابنيتي البنت بالكبد والولد بالورك ..


    المهم انا فهيت تتوقعون صدق 😳😳😳 اذا صدق بنت فخالتي ماشاءالله عليها خبره

  3. @rshyk_algmyl

    الله يخلي لك خالتك يارب


    والله جبت عيال وبنات كلهم هالالم والشد يجيني
    والحمل احس بالثقل من بدري


    ولدي الاخير هلكني بثقله لدرجة امي شكت اني توام يوم تشوف يالله اقوم ويالله اجلس


    بس الحريم الكبار عندهم خبرة ماشا الله

  4. @aaamloa_llakhr

    ألوااان الحياة
    لا ياقلبي غلط . خذي الفوليك ضروري واذا لسى مااخذتيه وقبل الحمل مااخذتيه فخلاص ابدي الحين وخذي 5 ملجم . لان يمنع تشوهات الانبوب العصبي . والي ماتاخذه ممكن لاقدر الله الجهاز العصبي يطلع فيه مشكله وقريبه لي ماكانت تنتظم في الفوليك أسيد وجاها …
    أنا اخذ الفوليك الساعة ١٠ بالليل يفيد و الا لازم الصباح

تابعي تجارب أخرى من هذا القسم.