🔷🔶التجمع 🔸الرابع عشر🔹لمواليد🔸مايو 🔹يونيو🔸2017🔶🔷

اللهم امييين
تسلمي🌹
يالله حاولي تنزلي مشتريات البيبي خليني اغش منك

مرره حلو لو كان يمشي مع جو الغرفه
انا حاليا ادور على مفرش لغرفة نومي ماني لاقيه شي كويس وبرضو ستاره لي ٧ شهور تخيلي ههههههههههه
اسواق المدينه ماادري اش اقول عنها

يجنن 😻 بس اهم شي لايكون من ساتان عشان الحر 🏃🏽‍♀️

رسال
شوفيلك وقت اولادك نايمين ولا قفلي على نفسك في غرفة 😂
ساعديني بغش منك اختيارات
شكلي بروح فرع ثاني لسنتربوينت وارجع البربتوز اللي في الطرف اذا لقيت احلى لأنه مالقيت نيو بورن غيره كمان بزيده لأنه ٣ ماتكفي ابغى ٦ او ٧
حتى الداخلي اشتريت الالوان مو متناسبه بس الداخلي مقاس ٠-٣ مالقيت نيو بورن
عاد اولادي يجو قد الفأر وزنهم ٢٥٠٠ لازم نيو بورن
وكوافيل باقي ابيض والباقي بحاول اطقمها مع ملابس الضيوف


بالنسبة للكوافيل ما اعرف اسمها اللي تجي قماشها زي الشاش
لقيت مقاسات
في مقاس ٧٦*٧٦ هذا صغير ويطفش مره مايكفي النونو رجله برا وماينلف لفه كامله وهذي تلقوها مطبقة الوحده قيمتها ١٩ ريال
وفي مقاس ١٠٠* ٧٦
ماقيد جربته
في مقاس ١٠٠*١٠٠ هذا اللي اشتريته اللي في الصوره محطوط في كيس شفاف سعرها ال٣ قطع ب٣٢ بعد الخصم
هي مريحه وناعمة وخفيفة للطفل بس صراحه بطلت اشتريها لأنه كنت احسب انها فقط مقاس واحد بس قرأت في حساب انه في منها مقاسات ورحت اشتريتها
استخدامي لها األف فيها البيبي وفوقها احط الكافوله الثانيه تكون ثقيله جوخ او صوف او قطن او اللي زي الفرو الناعم مدري ايش اسمه

انت من المدينة 😍
صادقة في شح في المحلات او انا ما اعرف اتسوق في المدينه مدري ما اعرف ولا اروح الا النور او الراشد ما اعرف اتخشخش في الشوارع والمحلات الثانيه
المفارش هوم سنتر وهذا بامبو بس دخلته مو كل البضاعة حلوة وفي بيتي الصغير يقولو مسوي تخفيضات
وفي محل اسمه اورنج يوصل لحد البيت هو في جده واحب اشتري من عنده بس له حساب انستغرام بضاعته نفس وكالة بامبو بس تشكيلتهم اوسع
الستاير اذا تبغي جاهزة ما اعرف غير هوم سنتر ولايف ستايل بس مشكلتها انها مو طويله بزياده احلى الستارة لما تجي من بدايه الجدر لنهايته وشكله مافي الا تفصيل انا عن نفسي مشيت حالي واخذت ستارة غرفتي من هوم سنتر قلت لين اخلص من البيت افصل ستارة طويله