‎✨✨التجمع الرابع لمواليد سبتـ9مبر**أكتـ10ـوبر 💝2017✨✨ربي يهون علينا💝

مسااااااااااااااء الخير للعسولات الحلوات


ان شاءالله اليوم احسن من امس وكل يوم احسن من الي قبله الله يتمم علينا جميعا بخير 😍


مقدر ارجع اقتبس الصفحات ترجع وترفع ضغطي واطفش بس بعلق على السوالف


-- اول شي سالفة المنظفات استودعوا الله اجنتكم ودامكم مو مضطرين ليه الشقى والتنظيف بشي قوي وله ويحه قويه وش فيه العملاق والا ان شاءالله حتى صابون الملابس
عاد انا بولدي توحمت على الكلوركس والديتول والعملاق شي مو صاحي طول حملي افتح العلبه واشم والله اني كنت خايفه عليه وعلى عقله بس طول الوقت استودعه والحمدلله طلع مافيه الا العافيه وذكي بسم الله عليه بس برضوا لاتتهاونون بالموضوع


-- الشي الثاني الحمل العزيز خبي يااختي على كل الناس الا امك احس الام غير وتفرح وتدعي لك واصلا قلبها يحس .. وانا عن نفسي اصلا مايمديني اخبي الوحم يفضحني وبالعكس زميلاتي وقريباتي الي الله مارزقهم ابد مااخبي عليهم مابي بحسون اني راحمتهم او كاسرين خاطري والحمدلله ارزاق الي رزقني قادر يرزقهم .. خالتي تأخرت سبع سنوات والله اني ماانسى شلون كانت تبكي اذا عرفت ان وحده حامل ومخبيه عليها بالعكس صدقيني ماراح تحسدك ولاشي بالعكس بتلجأ للدعاء ان الله يعطيها مثل ماعطاك توكلوا على الله هو خير حافظ طبعا مو اعلان بس الي بيسأل عادي وش فيها لو عرف..


دانه حبيبتي الله يرحم اميمتك ويسكنها فسيح جناته وينزلها منازل الشهداء والصالحين
ام جووودي الله يرحم اخوك ويجعل ماصابه تكفير ذنوب ورفعه بالدرجات ويعوضه خير من الدنيا جنة لايشقى فيها ولايحزن

فيه شي بقوله بس نسيت يالله الذاكره مفهيه ..




ايوه صح بشائر .. منزل مبارك الله يجعله عامر بالذكر والطاعه


هايدي عادي لاتوسوسين الحين الغازات خفت والجنين ارتفع عن عظمة العانه عشان كذا تحسينه صغران عطيه اسبوعين وبتشوفينه يبرز باذن الله

فيه ٢ من قرايبي تاخروا بالحمل
وحدة جلست كذا سنة ما حملت يمكن ٤ او ٥ بعدين حملت وسقطت.. وبعدها بسنتين حملت وسقطت بالثالثة كل خالاتها قالوا لامها لا تعلمين احد بحملها ولا حنا فقط انتي وخواتها.. وفعلاً ما قالوا لاحد وكانت مستمرة ع الرقية والراحة وسوت ربط ويوم صارت بالسابع علموا خالتها لكن ما حضرت اجتماعاتهم لان مسوية ربط والدكتور قايل احتمال تسقط فلازم ما تتحرك وجلست عن امها لين ولدت الحمد لله بعد ٧ سنوات انتظار
الحين عمر الي جابت يمكن ٥ وما ربي رزقها غير هالحمل الله يرزقها يارب

الثانية تقرب لي وما كتب ربي لها الحمل مرة بسبب زوجها ومرة هي والوضع كان غريب
وحملت بعد ٦ سنوات زواج وتوفى الجنين ببطنها
وبعدها جلست ٤ سنوات ما حملت وجاء فترة كنت اقوم الليل وادعي لها.. وحلمت بحلم غريب وسألت مفسر وعرفنا المشكلة يا رب لك الحمد
فيوم حملت قال الشيخ لازم ما تعلم احد ابداً الا امها وخواتها حتى انا هاوشتها يوم علمتني وهي بالخامس قلت موب لازم اهم شي نفرح فيك
البقية الأبعد الي هم حريم اخوانها وكذا علموهم لكن بالسابع وما كانت تطلع والحمد لله تم حملها بعد ٩ سنوات انتظار وولدت
الحين تحاول تحمل لكن ربي ما كتب💔

‏﷽ ‏
﴿إِنَّ اللَّه وَمَلَائِكَتَه يصَلونَ علَى النبِي يا أَيهَا ‏الذِينَ آَمَنُوا صَلُّوا عَلَيهِ وَسَلِّمواتَسلِيما﴾ ‏⁧‫#ﷺ

اللهم صل وسلم على نبينا محمد وعلى آله وصحبه وسلم أجمعين❤