][خواتي العدسات تنلبس قبل المكياج وإلا بعد !! ][

السلام عليكم والرحمة خواتي

دايم ألجأ لكم لأني أثق فيكم ويهمني أخذ المعلومات منكم

عندنا مناسبة عرس بعد رمضان على طول

وأنا ألبس نظارة طبية

وودي يوم العرس ألبس عدسات طبية بدل النظارة

فمتى تنلبس العدسات ؟

قبل المكياج وإلا بعده ؟

وشو أحسن العدسات الطبية ؟

وهل صحيح إنه المفروض ما أعرضها للاستشوار ؟

وشو أهم القواعد اللي لازم أراعيها مع العدسات ؟

وشكراً لكم مقدما لتعاونكم معاي

13 تعليق 12,180 مشاهدة

شاركي في النقاش

سجلي الدخول لإضافة تعليق.

التعليقات

13
  1. انا البس عدسات طبية دايما <<< اصلا ماعندي نظارة

    من تجربتي الافضل قبل المكياج

    وخصوصا اذا كنتي مومتعودة عليها دايما

    لان ممكن عينج تدمع وتخرب لج المكياج

    بالنسبة لاحسن العدسات الاغلب مجمع انها من جونسن اسمهاACUVUE

    رقيقة جدا وماتحسين فيها في عينج <<<<طبعا لاني متعودة بس يمكن تحسين فيها اذا ماتلبسين واجد

    اهم شي في العدسات تراعين ان ايدج تكون نضيفة وقت اللبس

    ولو حاولتي تلبسينها وماقدرتي او طاحت ترجعينها في العلبة شوي وبعدين تجربين مرة ثانية

    بالنسبة للسشوار ماادري انا دايما البسها ماصار شي بس يقولون تضر والله العالم

    صح نسيت اقول لج اذا جيتي تحطين كحل داخل العين حطية وانتي مفتحة من تحت بعدين من فوق

    عشان ماتتلون العدسة وبعدين ماتشوفين زين

    هذا الي عندي اتمنى اكون افدتج

    ادعي لي
  2. وعليكم السلام ورحمة الله وبركاته

    اختي بخصوص الاستشوار عشان العدسات تذوب بالحرارة فانتبهي
    لا تقربين الاستشوار من عيونج وانتي لابسة العدسات او اي مصدر للحرارة
    ممكن تستشورين قبل وبعدين لبسي العدسات وبعدين المكيااج

    وبالتوفيق خيتو
  3. @bnt_alhfr

    حبيبتي البسي العدسات قبل المكياج لانه لو لبستيها بعد المكياج راح تدمع عينك وتخرب كل شي
    وطبعا ماتعرضينها للاستشوار او حراره الفرن والغبار
    واهم شي انك تغيرين المحلول اللي في العلبه باستمرار عشان يكون نظيف دايما

تابعي تجارب أخرى من هذا القسم.