السلام عليكم حوائيات
ودي استشيركم في موضوع مسوي لي قلق
عمتي زعلانه مني بدون سبب لان ولدها سمعها تسبني وتدعي علي ونزل لها يمنع ظلمها عني طبعا ماغلط عليها ذكرها بالله وان هالشي عيب ومايصير وان اللي تسويه فيني بيرجع لبناتها. طبعا غير حاجات كثيره اهانتني فيها او بالاصح اجرحتني
وانا ولا مره تكلمت عليهااو زعلتها
بعد السالفه هذي قررت ماانزل لها ولا ادخل بيتها
لان دايم اسمع دعاويها علي وتحاول تكره عيالي فيني وتتهمني اني احرش ولدها وابغى افرق بينهم
مع العلم انها مجننه ولدها وتدخل في طلعاتي وجياتي غير تحسبها ودعاويها بدون ذنب سواه
المهم ماحبيت القطاعه وودي ازورها بس متردده وخايفه انه تغلط علي او ماتستقبلني
ونسيت اقولكم انها ماتطيق بنتي ولاتبلعها
بنتي عمرها 4سنوات ودايم تسبها وتبين لها انها ماتحبها ومطلعه عليها عياره تخيلوا😭
معاملتها هذي لي انا وزوجي وبنتي
باقي عيالها لا
مع اني الوحيده من حريم عيالها اللي كنت اخدمها وازورها كل يووم
بس قهرتني واجرحتني جرح ماراح انساه خاصه لما سمعتها تحرش ولدها علي بدون اي سبب😓
من تصرفاتها معي واستفزازها واضح انها تغار مني وتحسدني ولاتبي لي الخير والسعاده مع ولدها
المهم اشرايكم ازورها لان مابي القطاعه والا اتركها مراعاة لنفسيتي ونفسية بنتي
شاركي في النقاش
سجلي الدخول لإضافة تعليق.
التعليقات
19- اذا مافيه مناسبه اقولك خليك بحالك وابعدي عن الشر وغني له
اذا ما بيريحك ضميرك اتصلي عليها قولي كيفك شخبارك مع السلامه ✋ . - زوريها بس - 1- مع زوجك لا يطلع بدونك
-2- لا تطولين - الحريم الكبار بالسن اي كلمه حلوه تفرحهم اتوقع احد مخرب بينك وبينها ومعبيها والله اعلم
من رأيي خوذي هديه بسيطه لها وقهوتك وحلاك وزوجك معك ولا تطولين بس ساعه وقوليلها علبالي ياخالتي اشتقت لك بس انشغلت لي فتره ومقصره بحقك ياخالتي سامحيني وبس ..
خلي جيتك خفيفه هديه واعتذار كلام حلو عشان اذا احد حاول يخرب بينكم تتذكر كلامك وجيتك ويزيد غلاك - نصيحه لاتروحين اذاهي مااحترمتك خليهاللسنين يمكن تغيرمعك لان اللي كذامافيهم فايده فاقطعيهم كم سنه
- حبيبتي زوريها لو مره بالشهر وتأخذين معك قهوه وحلا واجعليها خالصه لوجه الله واعتبريها من باب صلة الرحم ( ادفع بالتي هي احسن فإذا الذي بينك وبينه عداوة كأنه ولي حميم )
وبعض الحريم اذا كبرت بالسن يصير خلقها ضيق وما تتحمل و تبدأ تتحسس من اللي حولها وتغار
و الدعاء على قدر المضره بإذن الله لن تصيبك دعواتها
مواضيع مشابهة
تابعي تجارب أخرى من هذا القسم.