موقف اخوي الصادم/ استوفى الرد

حضر قبائل وبدو قبائل فاهمه عليك وفيه خضاير اللي هم من أصول غير عربيه ولكن استوطنوا بالبلاد من سنين وعوايلهم نفس عوائل الحضر يتشابهون بالاسماء ولكن حضر يرجعون لقبائل معروفه لكن الموضوع يقصد ان الرجل اذا تزوج من غير قبيليه أي بمعنى ثاني قلنا خضيريه او اجنبيه يطرد من القبيله ويخرب بيوت خواته ولا احد يتزوج منهم وهناك الكثير من رجال القبائل تزوجو من خضيريات ومن اجنبيات ومنهم شيوخ قبائل معروفين ولا ضرهم شي اهم شي ان البنت هي اللي ماتتزوج منهم وليس الرجل هذا المتعارف عليه وكلمة خضيري ترى مالها اصل الا عندنا ياهل نجد والمفروض زي هذا الموضوع لايطرح لان فيه استنقاص لناس وهي ذكرت مدينه منفتحه وكلن فهمها جده وش راح تستفيد يعني اطرح موضوع وهي عارفه وحاطه تحذير بااول الموضوع لااحد يتكلم عن العادات لان صاحب او صاحبة الموضوع هدفه احتقار فئه معينه والعياذ بالله

الله يهديه

ماني عارفة ايهم اشد جهل وتخلف
صاحبة الموضوع وقبيلتهم ولا هذه بردودها ,

الله يمحي هالاشكال
تنصبون أنفسكم آلهة وتتكلمون باخلاق الناس وتقذفونهم !
بنت الشوارع لفظ مو هين مالك لا حق لا انتي ولا غيرها تطلقينه على واحدة لا تعرفينها ولا تعرفك ولا تعرفين اخلاقها ولا اي شيء !

على اساس انتي الحين بردك هذا صرتي امراة صالحة وعاقلة ؟
وتحطين بذمتك انه البنت مالها توبة ورح تكلم غيره ومستحيل تتعدل ؟
متأكدة انك بنت ؟ لهالدرجة انتي شايفة نفسك كائن حقير دنيء عشان تشوفين الكل بهالنظرة ؟!

تدافعين عن فعلة الرجال وتقولين الحياء للبنت ؟ ترا الرسول صلى الله عليه وسلم كان اشد حياء من العذراء في خدرها فاهمة هالكلام ؟

تقولين الرجال يتوب ويصير ملتزم ماشاء الله !! على اساس مو هو راس البلا والي اغوى البنت عشان تكلمه وهو استمر معها !

اتقي ربك , ولا تحطين بذمتك هالافتراءات , يمكن هالبنت عند ربي خير منك انتي واهلك وقبيلتك كلهم ,

واذا بتتكلمين عن الغلط , فالغلط يشمل البنت والولد , هذا الدين وهذا الشرع ,

ليه قلبتم الموضوع هواش ومشاكل ترى ماحد طلب رأيكم بعادات القبيلة
صاحبة الموضوع طرحت مشكلة اسرية بسبب عاداتهم وتبغى حل للمشكلة الاسرية ماتبغى حل للعادات اللي بقبيلتهم لانها سواء صح او غلط ماهو بيدها ولا بيدكم تغييرها
اللي عنده أسلوب حلو بحل المشاكل يساعدها واللي ماعنده غير الهواش والمشاكل وتخريب المواضييع ياليت يضل ساكت

رفع