الله يسعدكم ساعدوني ماني عارفة حالتي !😢

السلام عليكم ورحمة الله وبركاته
يابنات انا من قبل شهر رمضان العام تجيني قبل النوم الالام في قلبي وكتمة ورجفة ودوخة مادري من ايه فجاءة تجي الاعراض
ورحت المستشفى تخطيط وتحاليل الحمدلله ماطلع فيه شيء
ورجع لي الالم قبل الحجة وررحت المستشفى وبرضه ماطلع فيه شيء وماتجي الالام اللي قبل النوم ورحت لكذا دكتور يقولون مافيه شيء
ومرة تعبت ورحت لمستشفى الثغر كان الضغط مرتفع ودقات القلب مرتفعه وسويت تخطيط قالو القلب مافيه شي وقالو امكن انتي خايفة ومتوترة
وطلعوني من المستشفى ورحت لمستشفى خاص وقال لي الدكتور مافيك شيء كله من الحاله النفسية واعطاني حبوب مهدية ومنومه
وسويت حجامه شهر 4وتقول مافيك شيء بس فيك ابهر مسبب لك هذي الالام
ورحت الشهر هذا لدكتور باطنية وسويت تحاليل للغدة ولجرثومة المعدة كل شيء سليم الحمدلله
بس يقول معاك دسنتاريا وقولون عصبي ؟
معقولة القالون يسبب هذي الالم في القلب
والله يابنات اليوم الصباح رحت المستشفى اقول خلاص جاني الموت ماعاد برجع البيت من قوة الالم في قلبي ودوخة وجسمي كله يرتجف واشوف اني مودعه الدنيا وسويت تخطيط وقالو مافيك ولا شيء في قلبك
..... يابنات جاتني حاله نفسيه من اعراض احس محد فاهمني من الدكاترة رحت لكذا دكتور يقولون القلب مافيه شيء كله حاله نفسية وتوتر وقلق وخوف
طيب الالم اللي يجي من ايش


تكفووووون ساعدوني والله احس اني تعباااااااانه
ومالي غيركم بعد الله
والله يخليكم يامشرفات لاتنقولون موضوعي بس الين القى لي حل 💜😢

65 تعليق 21,467 مشاهدة

شاركي في النقاش

سجلي الدخول لإضافة تعليق.

التعليقات

63
  1. @knt_sghyrh

    اذا عندك قلق توقعي اي شي لدرجه تحسين بالم ويطلع بالتحليل مافي شي الحاله النفسيه والقلق والرهاب تسوي بالجسم اعراض ماتتصدق انتي شوفي نفسك ليش قبل النوم تجيك تفكرين بشي في شي قبل النوم يقلقك حاولي تسترخين وجربي الله يشفيك يارب
    • جتني تقريبا زي هالاعراض ايام المراهقه وايام ماكبرت

    رجفه وخفقان بالقلب وبروده بالاعضاء لدرجه حسيت اني بموت بس ما اخذ الوضع اكثر من ربع ساعه




    ما رحت فحصت ولا شي بس انا توقعت انه شي نفسي او يكون هبوط او ارتفاع بالضغط
  2. @gmsht

    الله يشفيك ويعافيك
    يمكن اللي صار لك شي نفسي وخوف خلاص لاتوسوسين واذكري
    الله دايم وتوكلي عليه
    وتقولين ارتفع الضغط عندك يمكن عندك ارتفاع وانتي ما تدرين
    بس انا احس انك توسوسين خلاص لاتروحين للدكاتره اشربي
    زمزم وعسل واهدي وكل شي يصير زين ان شاء الله
  3. جارنا تجيه نفس الاعراض اللي عندك لدرجة انه اذا جته الاعراض وهو بالسياره ينزل بالطريق ويركض يمين وشمال مو قادر يتنفس وكم مره يسوي تخطيط قلب يقولون له سليم اللي عندك قولون وبسببه تجيه نفخ وغازات قويه
    الحين خفت كثير يوم ابتعد عن الاشياء اللي تسببب تهيج القولون
    بس من يعصب ترجع له

تابعي تجارب أخرى من هذا القسم.