الاجتماعات والمنكرات .. وش الحل ؟

صباح الخير




بدخل بالموضوع على طوول
الجمعات العاديه يعني مثلا بشاليه او استراحه او حتى بالبيت مع الاهل او الصديقات اي احد المهم يجونك يفتحون الاغاني او شيلات وانتي ماتبين واذا قلتي مابي اسمع اغاني وكذا قامو يناظرونك بنظرات مثل الي نكدتي علينا او ليش معقده ومع ذلك يفتحونه ماعندهم فيك في هالحاله شتسسسووون اذا طلعت وجلست لحالي بيقولون هذي موسوسه


جد الوحده ماعد تدري كيف ترضي مجتمعها اذا ماجت بسبب المنكرات قالو قاطعه واذا جت ونصحت قالو موسوسه ومعقده


من فيكم تعاني مثلي وكيف تتعامل مع هالناس
جد صار الي ينصح او مايبي يسمع حرام شي غريب ونظرات الناس تدل على هذا الشي !!!

59 تعليق 6,960 مشاهدة

شاركي في النقاش

سجلي الدخول لإضافة تعليق.

التعليقات

48
  1. @aaoatf_trky

    اذا سافرتي خارج السعوديه وش تسوين ؟
    التبرج والتعري بكل مكان والاغاني ترن بالمحلات والمنتزهات
    بتسوين مثل ام سلك بتهجمين على الاسلاك تقطعينها لانهم ماسمعو كلامك واقتنعو فيه ؟
    ذكرتيهم بالله جزاك الله خير الى هنا ينتهي دورك وانتي مخيره اما تجلسين او تطلعين او ماتحضرين بالمره هذا شي يخصك
    المكان والناس لهم احترامهم والكل عنده ذنوب مافي احد خالي
    واذا حسب كلامك حتى الشيلات اللي بدون موسيقى مستنكرتها ما ألومهم يقولون معقده ومتشدده اذا ماتحبين تسمعينها اتركيهم براحتهم
    من باب أولى الانسان يخاف من سقطات وزلات وذنوب لسانه بالغيبه والنميمه والكذب وسوء الاخلاق
    للاسف المحرمات بالنسبه للاغلبيه من النساء هي موسيقى اغاني نمص حواجب وعباية كتف وباقي الذنوب اللي ربي ساترها وماتنشاف بعيون البشر عادي وحلال !!


    قال الإمام الشافعي : من وعظ أخاه سرا فقد نصحه وزانه ، ومن وعظه علانية فقد فضحه وشانه
    ويقول :
    تعمدني بنصحك في انفـرادي وجنبني النصيحة في الجماعة
    فإن النصح بين الناس نـوع من التوبيخ لا أرضى استماعه
    وإن خالفتني وعصيت قولـي فلا تجزع إذا لم تعط طاعـة

    الله يهدي ويصلح الجميع
  2. @hnayt

    صاحبة الموضوع
    لا ماقصد الشيلات الي بدون موسيقى اقصد الي بموسيقى وردحه هم يفتحونها لاجل يرقصووون مو عشان يسمعون وبس اذا ماحضرت بصير قاطعه


    الله يهدينا ويهدي الجميع
  3. @shhlaaa_alaayon

    مو لازم جمعات،، مضيعةوقت ولافايده فيها حتى لو بدون موسيقى
    صلة رحم لاهلك وسلام لاهل زوجك ساعتين يكفي والاقارب احضري مناسباتهم كواجب
    ولاتجتمعي الا مع من تحبين وترتاحي له فقط

تابعي تجارب أخرى من هذا القسم.