اي وحده تكلم شاب عندي سؤال واحد؟

كل وحده ردها راح يكون شاهد عليها يوم القيامه
واللي تبرر شي محرم راح تحاسب عليه وتحمل أوزار غيرها
الحلال بين والحرام بين
حتى لو انتي مؤيدة للحرام اذا بليتوا فاستترو
وكل الامه معافى الا المجاهرون. حسبنا الله ونعم الوكيل
وانتي يا ام نهار.
يومك في كل موضوع تطمرين. زي الجني وتحاربين اي وحده تكلم كلمة حق انتي وكم وحده على شاكلتك

ماأدري انتم مو راضين تفهمون قصدي
انا ماجبت سيرة الزواج عن حب
الحمدلله هذا مافي شي

انا كلامي اقوله لكل بنت تكلم شاب عن طريق برامج التواصل !!
فهمتو قصدي
برامج التواصل شاب فاضي يتسلى ويلعب بمشاعرها والبنت تصدق

افهموا
افهموا
افهموا
افهموا
افهموا قصدي 😰

نصيحه لكل بنت تكلم شاب توبي من هالطريق وسعادتك بسجادتك والله العظيم
لانك بين يدين الكريم سبحانه
وربي بيرزقك بزوج يسعدك
لا تصدقينهم ولا تصدقين
الكلام اللي يقول عادات وتقاليد
لا والله العظيم هذا دين
الدين هو منبع كرامتنا

عسى يمينك ماتمسها النار

هذا قصدي

ياناس يا عالم لا تبررون للحرام

انا لفت انتباهي مواضيع بنات يكلمون شباب ويقولون حب طاهر
عشان كذا نزلت موضوعي
اقول حراااااااااااااااااااااام
على الولد والبنت
وانا كلامي وجهته للبنات لانهم
خواتي وانا وحده منهم واحبهم واخاف عليهم

العصفورة الناعسة شكرا اولا على نصيحة والارشااد وياليت كلنا نتعظ ونتعلم ..انا راح اعترف لكم دخلت ف دوامة العلاقات اكثر من مرة وما يسمى الحب ..والحين انا ندمانه اشد ندم على فعلتي واستشعرت ليش هو محرم ..ي بنات من واقع تجربه الشاب م العلاقة م يبحث الا على جسد البنت لا غير

وندووور لنفس الحلقة
الا وهي " البنـــــــــــت " قضيه المجتمع الخليجي مقرونه بمعنيين وهما " الشرف " أو " العار " وكثيرا ما يقرن بالعاااار , مسلوبة الحقوق , مهدده , نوعا ما تميل للنجاسه لذلك بعض المجتمعات عند ذكر كلمة مرأه او بنت يذكروا " أكرمك الله او أكرمكم الله " , ممنوع , مرفوض , محرم .....
اما الجنس الأخر " الولد " فهو مرفوع المقامات , معصوم من الأخطاء , ممجد معزز , مفتوح له الطرق على مصرعيها , محلل , طاهر , نقي , مغفور من الذنوب .....


هكذا تفكيرنا للأسف وأضل أقول للأسف
تركيزنا فقط للبنت - بأنهااا عاااار - أرضي بالقسمه فهالدنيا أنتي عاار هذا نصيبج هذا جزاج - أبوج وأمج كانوا ينظروا يجيهم ولد لكن جيتي أنتي خلاص محكوم عليج بقوانين وانظمة وتشريعات خليجيه تقليديه بحت اذا خرجتي عنها أنتي نجسه قليل أدب وسخه قذرة لطختي سمعة عائله قبيله مجتمع ....


لكن


نروح


للصنف الاخر
هلا والله بعزوتي ، هلا بضناي , هلا بالسند ، غلطت عادي لا يضيق خاطرك ، هذا لك ، وهذا ملكك ، وهذا مفروش لك ، تزوج 4 وشبع طاقتك الغريزيه ، واذا مو قادر روح للحرام البنات كثار ، تبغى توب ؟!! باب الله مفتوح ، تكلم بنات عادي كلمهم فنهايه "هي" باعت أهلها أما أنت لا عادي أصلن هي ركضت وراك هي لزقت فيج , أنت ولد أنت رجل أنت ذكر أنت طاهر مهما صاار ....




للأسف التوعيه كثيره للبنات وانه فيه ذئاب وفيه جنس جبار إذا م خفتي منه راااح تضيعي خلاص
ليش موضيعنا كله للبنت ؟ ليش التشريعات المجتمعيه والقوانين والممنوع كله للبنت " أنا ما أقول ليش ما نخلي البنات يخرجن عن الدين للتنبيه "
نحن نقول نحن مجتمع محافظ لكن للأسف هالشي مطبق على البنت أما الذكر لو عمل م عمل عاادي م مشكله أهم شي بناتنا يمشن على صراط المستقيم لأنا نحن مجتمع محافظ.
وما شاء الله بعد ما أنتشر هالتفكير فالوسط المجتمعي صاااروا الشباب مستغلين هالشي لصالحهم " نحن بنضحك على البنات بنوعدهم بوعود كاذبه نحن نحبج وانتي أسرتي قلبي وحسيت فيه شي مشترك بينا واتمناج زوجه لي ووعود ورا وعوود "
تمام لحد الحين
من الغلط؟ - الاكثريه بيقول من البنت هي ليش من الأساس كلمته ... الدين والشررع والأسلام والرسول وكل الهجوم عليها ...
لحظه
والأخ اللي هناك
وين راح
هي مسلمة
بعد هو مسلم
ولا الأسلام ينطبق على المرأة بس
....
....
....
أنا ما أقول روحن كلمن شباب فالنهاية الغلط راكب لثنينكم
كل اللي حبيت أوصله
لو المجتمع واقف بصف هالمسكينه محد بيتجرا ياخذ حقوقها او يستغفلها او يلومها
لكن للأسف مجتمعنا مجتمع ذكوري بحت
روح ألعب معها فنهايه هي ضيعت سمعة أهلها
روح أفعل الفاحشه فنهايه هي باعت شرفها
روح أضحك عليها فنهايه " هي ناقصة عقل "
........






أسأل الرحمة من رب العباد