اي وحده تكلم شاب عندي سؤال واحد؟

🙁انتي تقولين شاطرين بقول بالحلال والحرام
والوحده منهم موسوعة فتاوي

طيب دامني ماافهم وتفكيري ماتعد انفي
خلاص الله يجزاك خير
فهمي البنات وش رادك
ماتقولين رايك
وش رايك
ماتقولين حلولك العلميه

قسيتي علي بكلامك
وماني فاهمه وش تبين مني بضبط
من بديتي معاي وانتي كل شويه تقولين ناس ماتفهم
يلا فاهمينا
وقولي حلولك العلميه
والا هي كلمه وحفظنها ومانعرف نشرحها
وربي لك كم رد بس تكرري حلول

يلا تفضلي
اذا الموضوع بيفيد البنات
الله يكتب اجرك
ويغفرلي جهلي

قال تعالى (واذا قيل له اتق الله اخذته العزه بالاثم ) قال تعالى (ولاتخضعن بالقول فيطمع الذي في قلبه مرض )

اذا الحرام وعقاب الله وغضبه ماهو يأثر فعلى الدينا السلام
اذا ماطبقنا ان تعبد الله كأنك تراه فإن لم تكن تراه فإنه يراك فعلى الدنيا السلام
اذا الواحد اذا نصح وصار مايعجبكم وذميتوه وقلتو كأنه منزه حتى من خلف الشاشات فعلى الدنيا السلام
يااختي احنا ماحنا مجتمع مثالي والنبي صلى الله عليه وسلم وقع في عهده الزنا لكن لما اجي وحده تنصح وامسكها انك حاطه نفسك منزهه ولالاتتكلمو بالحلال والحرام ولا الدنيا صارت منفتحه هنا الخللل حتى لو وقعتي بالذنب قولي جزاك الله خير مو تجون هنا تعاقبون الناصح وتشككونه بنفسه حتى تلجمونه وتسكتونه
لاحظت هذا كثيير في المنتدى اما تنعت بالمنافقه او غيره وغيره
الامر بالمعروف والنهي عن المنكر واجب قولو جزاك الله خير ولاتستقعدون للناصح حتى تحسسون ان زمنا خلاص خربان والشباب مايهمهم ربهم استغفر الله ترى لما تقولي مايتاثرو بالحرام يعني مايتاثروا من غضب الله ورضاه ومايهمهم بس كلمو عقولهم وهذا الي ودا العلمانيين وبعض المفكرين بداهيه
والي تقول عطي الحلول اذا وقعت بالحرام يعني سهلو وقوعهم بالحرام وعطوهم الحل
كل وتوجهه هذي اعطت نصائح يمكن للفتاه تداركها قبل الوقوع
والي وقعت بهذا الشيء ممكن تستر نفسها وممكن توعي البنات وتعطيهم كيف طلعت هذا لايتنافى مع هذا
لكن لاحظت بالمنتدى كثيييير مايبون النصح وكانهم يبون تسكير افواه الصالحين ليش اتقو الله

ماقلت اني منزهه
قلت لهم يابنات انتبهوا
تراهم شباب يلعبون بمشاعركم
وماقدمت مواعظ
وين المواعظ بموضوعي
ولو كتبت مواعظ
هي نصيحه اطلعت من قلبي واحسب ع الله انها تصل
لأهلها ولبعد حين
اللي مو عاجبها موضوعي تطلع
وبلاش تجريح
والله ثم والله اني اكتب وانا ابكي
لاني مافي بالي هاالكلام اللي تقولونه كتبت بنيتي ويارب يعطيني ع قد نيتي
الله يغفرلي ويغفر لكم جميع

مستحييييييل
شاب يتزوج وحدة عن طريق المكالمااااات هذا الواااقع اللي ماراح تصدقوووونه وتنكرونه
واي وحده تبرر له هذي جالسه تطبطب ع نفسها وتحاول تقنع الغير بأن هذا الشي مرغوب ويحصل وهو للاسف لو حصل فلن يستمررر لان ببساطة الشاب اللي جالس يكلمك ياماما مايرضى اخته تكلم ولو درى انها تكلم وغرقانه بعالم التواصل والدردشات دفنها وهي حيه
فأصحي لنفسك وبلا خرابيط اجل اهلكم منقصين عليكم حنان على اساس الناس الثانيه تصحى وتنام ع ضم ودلال .
وانتي ياام جلوي بلا هياط
حركات تطورتي يامنفوحة اجل لفيتي الدول وشفتي التفتح والهيصه . ياشين العنز اذا طاحت بمريس💀