شاركي في النقاش

سجلي الدخول لإضافة تعليق.

التعليقات

645
  1. @maalm_agyal

    صاحبة الموضوع
    Dream22
    اللوحات رائعة جدا ماشاء الله تبارك الله تمنياتي لك بالتوفيق
    ولا يهمك يالجبل والشمس برجع احملها من أول وجديد كل هذا عشان خاطرك

    يمكن الكل سوا أو خلص من فصله أو على وشك إنه يخلص بس اليوم بعطيكم اللمسات الأخيرة خاصة للي فصولهم كبيرة
    طبعا إذا حطيتي لوحاتك على الجدار بيكون فيه مسافة بين اللوحة والثانية تحسين إنها مخلية الفصل فاضي فانا حليت المشكلة بوضع بعض العبارات بين اللوحات
    وأتركم مع الصور


    هذي كانت بين لوحتين وبما إن بناتي برابع فحبيت أذكرهم بذكر الله



    وهذي تنفع عند توزيع أوراق العمل أذكرهم إن الله دائما يراهم



    وهذي عشان يتعلمون دايم إن الابتسامة لهادور في التعامل مع الآخرين



    هذي حطيتها تحت المكيف لأن مكيفي نازل شوي وصعب أحط فيه لوحة وطلع المكان فاضي فحطيت هالعبارات



    وحاولت أصور لكم الجدار من بعيد عشان تتضح الفكرة


    أتمنى إنها تعجبكم
  2. معلمة أجيال
    ولا يهمك يالجبل والشمس برجع احملها من أول وجديد كل هذا عشان خاطرك يمكن الكل سوا أو خلص من فصله أو على وشك إنه يخلص بس اليوم بعطيكم اللمسات الأخيرة خاصة للي فصولهم كبيرة طبعا إذا حطيتي لوحاتك على الجدار بيكون فيه مسافة بين اللوحة والثانية …
    السلام عليكم

    مرحبا اختي معلمة اجيال

    اشكرك على مجهودك الرائع الله يوفقك

    من جد فصلك خيااال ماشاءالله لااله الا الله :)

    اعجبتني لوحاتك .. بس كنت بسالك

    انا معلمة روضه وفصلي جديد فاضي

    كان ودي اسوي مثلك لوحات ووسائل تناسب للروضه

    بس ماني عارفه وش احط بالظبط


    وحابه اسوي لوحة تعزيز

    فياليت اذا عندك فكره تناسب لهم تساعديني

    واكون شاكره لك

    جزاك الله خير
  3. @maalm_agyal

    صاحبة الموضوع
    نبض الإمــــــارات
    الله يعطيج العافية .. شكلي بستفيد من خبراتج في المجال.. أنا معلمة يديده
    الموج الهادئ


    الله يجزاك خير هذا كله من ذوقك يالغالية


    بالنسبة لرياض الطفال غير لازم الفصل يكون فيه لوحة فيها اليوم السنة والتاريخ وهذي لازم تكون تتحرك يعني كلمة( اليوم والتاريخ والشهر والسنة مثبته) وتصير فيه بطاقات مغلفة حراري فيها الارقام وبططقات فيها الأيام وبطاقات فيها أسماء الشهر لأنك أول ماتبدين الحلقة تغيرينها بعد مايستنتجونها الأطفال
    هذا شي وشي ثاني لازم الباب يحتوي على أسماء الطلاب والحضور والغياب بقولك فكرة
    خوذي أعواد الأيسكريم ولصقي على راس العود صورة الطفل وعلى العود الإسم وحطي جيبين شفافة بحيث الطفل الغايب تنقلين اسمه من جيب الحاضرين إلى جيب الغائبين
    وبقية الفصل بيكون خلفيه للاركان يعني على حيب الركن تحطين خلفيه له


    بالنسبة للوحة التعزيز فلو شفتي ذيك اللوحة اللي فيها فساتين تصلح لهم وإذا عندك عيال وبنات سوي فساتين للبنات وثياب أو بدل للأولاد وحطي صورهم وأسمائهم وتصيرين تعبينهن نجوم للطفل الهادئ واللي يحفظ وهذي تعزيزي طويل يعني يستغرق ايام للثواب بعطيك فكرة تعزيز يومي
    وطبعا لابد من العقاب خاصة للطفل العنيد فهذي تحتاج وسيلة ثانيه بقولك مثلا خوذي اكواب شفافة بلاستك واقسميها بالطول ولصقيها على فلينه وحطي أسمائهم على الكاسات ويصير معك صور وجيه زعلانة وقولي لهم اللي بحط له وجه ماياخذ حلاوه بنهاية اليوم وهذي تعزيز يومي ولازم الحلاو أو الهدايا تكون جاهزة معك

    أتمنى إنك فهمتي علي


    نبض الإمــــــارات

    الله يعافيك ويجزاك الجنة
    أنا بالخدمة دائما ومتى مابغيتي

تابعي تجارب أخرى من هذا القسم.