من اليوم باذن الله راح انزل كورس وعنايه بالشعر

ماشاء الله عليك يا اختي بس حابه اقولك انا شعري تعبان ويتساقط
وهاليومين استخدم جرجير اخلطه مع موية البصل والثوم واحط 3 ملاعق سدر مع قليل زيت زيتون واستخدمها مرتين بالأسبوع واسوي آخر الاسبوع حمام زيت فشكول
طيب سؤالي لك ممكن احط الزيوت في الجرجير مع الثوم أما الحنه مااقدر لأني أفرد بس الحين حابه اعالجه. ..
ياريتي تقولين لي بحل الله يجزيك كل خير ويسعدك في الدنيا والاخره

انا شعري يتساقط

لا لا غلط طريقتك مررره ..
خلط الزيوت مع السدر ماينفع ولا راح يجيب نتيجه لشعرك ابدا
امشي على المكونات هذي وبتدعين لي ..
فصين ثوم +بصله مقطعه ارباع في كوبين مويه تخلينها تغلي لحد ماتوصل مقدار كوب واحد
ضيفي عليها ملعقه اكليل جبل وزعتر بري وتغطين على القدر لين يبرد
تصفين مويتهم وتضيفين عليه سدر تقريبا 3 ملاعق وتعجنينه فيه
تضيفين ملعقه اس وملعقه حلبه مطحونه وملعقه قهوه تركيه ..
الكميه زيديها على حسب شعرك وركزي اهم شي على فروه الراس ويترك ساعتين ع الشعر ثم يغسل بالشامبو وبعدها زيتي شعرك لانه السدر ينشف الشعر ف لازم زيت عشان يرطبه
اذا شعرك مصبوغ الغي القهوه التركيه من الخلطه لانها تغير لونه
هذا الماسك يجننننن معالج للشعر التعبان والمتساقط يسمونه بماسك التقويه
باقي الزيت ..
ضيفي فنجال زيت جوز هند (باراشوت)
نص فنجال زيت زيتون
نص فنجال زيت خروع
نص فنجال زيت حلو
لاتزيدين من عندك ولاتنقصين هالخلطه هنا انا موزنه بين الزيوت بالضبط ومعادله بين الحاره والبارده
اعتمدي اللي ارسلت لك والله بتدعين لي

واكبر غلط تسووونه يابنات انكم تخلطون الزيت مع السدر مع المرطبات ماراح تنفع شعرك لانه الزيت يغلفه عنها ولاراح يستفيد .. الزيت دائما يكون اخر مرحله بعد الماسك لحاله ..
والزيوت احرصو اذا جيتو بتخلطون لاتخربطون كثره الزيوت تخرب الشعر .. ودائما اذا اضفتي زيت حار خلي البارد او اللزج دبله بمقدارين مثلا فنجال زيت زيتون يكون فنجالين زيت جوز هند

واخيرا ياجميلات .. يمكن انشغل عن المنتدى بالايام الجايه.فقط انزل الخلطه واطلع ..اللي عندها استفسار مهم ترسل لي خاص ..