خصوصية الزوج و ( تنبيش ) الزوجه خلفه ..

الموضوع مافيه تحدي احنا نبغى اراء فقط

بتحلفيني
قسما بالله ان جوالي فيه باسوورد و زوجي و لا مرة مسكه و لا مرة قالي عطيني الباسوورد و انا و الله العظيم عطاني باسوورده مرتين لاني صدق صدق ما اهتم افتح موبايله و المرتين اللي عطاني الباسوورد كان يراويني فيديو و الموبايل قفل فوسط الفيديو ... و حتى لو موبايل زوجي يرن جنبي ما اطالعه و لا اشوف منو متصل و لا يهمني و يتم يدردش ع الوتساب و يضحك و لا اهتم و لا أشك اصلا انه يكلم وحدة . ليش أشك و أنكد على نفسي لا وبعد اخذ اثم . إنّ بعض الضن إثم .

يا اختي اذا انتي فيج هالطبع لا تتهمين الناس .
و ابشرج اصلا اصلا اصلا حتى لو سوااا مثل ما قلتي بطنش ما بحط فذمتي و لا أشك و لا انبش في شي مايخصني ... حدودك تنتهي عند بداية حدود الآخرين .

ممتاز ان الثقه ترتفع الى هذه الدرجه 🖒

اهم شي نصيحه ترى اللي يقولون الرجال مالهم آمان صادقين هم مثل البزران للاسف لازم شوي متابعه نصايحه عشان مايتمادون ويصعب استرجاعه او حل المشكله اي علاقه اذا يخون اذا في بدايتها واكتشفت الزوجه وصار بينهم مشكله بسببها راح يفكر مره ثانيه قبل مايعيدها وراح تنتبه الزوجه اكثر وتنصحه بطريقه غير مباشره والعقوبه في محارمه وعن صفات الحريم الجريئات اللي يكلمون او يوسلون لاي رجال هذا بالنسبه لوخيانه تقطعها من البدايه افضل اذا تمادى وزادت العلاقه قديوصل الحب انه يتزوج هاللي يعرفها لانه خلاص مايستغني عنها تعود لكن لو المراه ذكيه وواعيه تكون حريصه تفتيش بسيط للاطمئنان كل فتره واخرى افضل بكثير من انها تكون مغفله وتخليه لغيرها والله مثل الطفل ينلعب عليه وبنفس الوقت تفيد فيه النصايح من البدايه مو بعد ما يتعود ويخرب زياده فخليكم نبيهات واذكياء من البدايه لا يروحون ازواجكم من ايديكم والله ان فيه حريم قليلات ادب وماكرات يتصيدون الرجال المتزوجين وهو كانه بزر لازم يراقب وينبه ويوقف عند حده
وفيه اللي اصدقاه يرسلون صور فاذا اكتشفت تقدر بدون نصيحه مباشره تتكلم بالحرام والحلال وانه كيف الناس ترسل مايخاف بكره ربي يفضحه بمحارمه وهكذا
فاللي زوجهاارقام سريه ويطفيه بالليل قبل ينام فتنتبه اقض