شاركي في النقاش

سجلي الدخول لإضافة تعليق.

التعليقات

156
  1. ملَك إنسان
    زمان وإحنا صغار أعلنّا أنا وبنات الحارة التمرد ونوينا الهجرة وكل وحدة فينا حطت لها كم لبس ف بقشة وتجمعنا الساعة 10المسا وأنطلقنا إلى جهة غير معلومة .. نمشي ع عمانا ولقينا مزرعة شبه مهجورة وقلنا نريح للصباح وننطلق نكمل مسيرتنا .. وللأسف أنت…
    ضحكت ضحك ماهو طبيعي
    كان المفروض تستعينوا بحقوق الانسان
    وبعدين على اي باد ناوين تهاجروا
  2. @am_aaboooood_1

    ملَك إنسان
    زمان وإحنا صغار أعلنّا أنا وبنات الحارة التمرد ونوينا الهجرة وكل وحدة فينا حطت لها كم لبس ف بقشة وتجمعنا الساعة 10المسا وأنطلقنا إلى جهة غير معلومة .. نمشي ع عمانا ولقينا مزرعة شبه مهجورة وقلنا نريح للصباح وننطلق نكمل مسيرتنا .. وللأسف أنت…
    هههههه حلوة
  3. @mrsabk

    أنا أكلت أنواع الضرب أشكال ألوان .. وكل الاسباب غير منطقية .. بس يمكن هالسبب اللي كان تحفة ..
    كان عندنا عزبة غنم وانتو بكرامة ما اعرف شو اسمها في السعودية .. المهم هي ورا بيوتنا وفيه شارع عام يفصل العزب عن البيوت .. العصر ابوي الله يرحمه ياخذنا العزبة كلنا ..
    في اليوم الموعود .. كان أبوي وأخواني مقيلين ونايمين الظهر .. أنا ما أنام الظهر شلت ألعابي ورحت بيت الجيران ألعب ,, وتأخر الوقت جارتنا سوت لنا كيك وعصير وأنا قعدت مع البنت وذاكرنا لأننا في نفس الصف ...
    فجأة دخل جارنا وهو يحوقل وشكله تعبان نفسيا .. أول ما شافني صرخ .. وشالني بسرعة وطلع يركض من البيت ويسحبني من ايدي .. وداني بيتنا ويقول ( لقيتها .. هذي هي )!!
    وأشوف الجيران متجمعين قدام بيتنا وتطلع امي تلمني وتبكي .. وأنا مصدومة !!
    شوي ووصل أبوي ويلمني وأنا مصدومة ..
    بعدين سحب العصا ولسعني كم ضربة وأنا مصدومة أكثر ..!!


    طلعت القصة انهم قامو وراحو العزبة ولا انتبهو اني موب معاهم وسمعوا صوت اسعاف والناس يفقولون فيه بنت اندعمت على الشارع لابسة ثوب ابيض .. ساعتها ابوي انتبه انه ما شافني .. واني مفقودة ..وظنوا اني البنت المدعومة
    أبوي نزل امي وأخواني .. واخواني خبروا الجيران ان سيارة صدمتني وان ابوي رايح يشوفني في المستشفى .. وامي منهارة .. وابوي منهار .. والجيران منهارين .. وأنا آكل كيك ّ!!!
  4. @am_aaboooood_1

    احنا مره ابي حطنا عند ناس عندهم حفله عزمونا وراح مشوار لما رجع شاف إلا اختي ببيت الناس
    قالها ابي وين خواتك قالت ما اعرف خرجوا الشارع ابي خبطها بظهرها وخرج يدورنا مسكين طاح قلبه وخصوصا أن باقي شويه ويأذن المغرب احنا ظهرنا من حاره ثانيه وأبي عيونه شرار حصلت منه كف وكل واحده حصلت ضربه ههههه كانت أول وآخر ضربه لما صرت أم عرفت احساسه
  5. @mlk_ansan_1

    lmar5
    ضحكت ضحك ماهو طبيعي كان المفروض تستعينوا بحقوق الانسان وبعدين على اي باد ناوين تهاجروا
    أقول لك وين بس لا تضحكين

    كنا ناوين نهاجر ع ( يثرب ) مدري ليش ف بالنا إن الناس اذا بتهاجر أو تسافر لازم تروح لها ( المسلسلات التاريخية لاعبة فينا )


    طبعاً م كنا ندري إنها المدينة نحسبها شي ثاني 😂 ترى الكلام ذا وأعمارنا بين 8و 9 سنوات

    سقا الله ذيك الأيام

تابعي تجارب أخرى من هذا القسم.