شاركي في النقاش

سجلي الدخول لإضافة تعليق.

التعليقات

446
  1. صاحبة الموضوع
    الشوق للجنان
    ماشاء الله عليكم يعطيكم ألف عافية مجهود رائع.
    هلا وغلا حبايبي.. الله يجمعكم بالجنة ومع النبي ان شاءالله..

    حياتي صبا.. منورة ياقلبي... يالله ماعليه مافاتج وايد تلاحقي ألحين وتابعينا دايما.. وحياج يالغلا..

    حسينة الحساسة.. هلا حياتي.. ماشالله عليج أطباقج تشهي وعجينة فيافي أشوفها خذت الدرجة الأولى برمضان.. الله يجزيها كل خير هالبنية..

    سمارة مذهلة وأم الجازي.. منورين حبايبي.. وياهلا فيكم..

    وبانتظار الحلوات اللي مانستغنى عنهن.. وهن يعرفن عمارهن لوووووووووول :)

  2. @bnt_ktr_3

    السلام عليكم

    شحالكم انشالله طيبين


    لودي

    ماشالله عليج السلطه لما قطعتيها بالطول صارت تهبل شكلها وايد يشهي


    حلوه مربربه تسلم يدج والمعمول شكله يهبل سجلت طريقته لما بعد الريجيم :)

    اميره الشوق

    تسلم يدج على هالسفره الحلوه وسلطه الفصول الاربعه تهبل


    هنوده

    وين اطباقج اشتقنا نشوف سفرتج :)


    واذا على طريقه الشاورما تحصلينها في الرد رقم 78

    وطريقه المهلبيه في الرد رقم 81

    في نفس الموضوع


    حسينه الحساسه

    البسبوسه تهبل شكلي بجربها

    *المسافرة*

    مشكوره فديتج على طريقه النوتيلا بجربها لعيالي واسهل بعد من تذويب المارس ( عاد انا بكبري اموت بالنوتيلا .. احب اي شي فيه بندق) شكلي انا اللي بخلصها :)

    الله يخليلج عيالج وابوهم ويبلغج فيهم خير يارب


    نجي لسفرتنا اليوم

    ======================سيزر سلاد============================










    خس
    قطع دجاج مشوي ومقطع مكعبات
    سلايس برد محمص ( الجاهز اللي نفس الشابوره )بس بدون طعم يعني بدون نكهه اضافيه
    جبن شيدر

    الصلصه

    1روب
    عصير ليمونتين
    2مايونيز
    نعناع
    بقدونس

    تحطينهم في الخلاط

    وتصبينهم على السلطه والسر كله في الصلصه لانها بجد رووووووعه


    ======================= استراغنوف اللحم========================




    ستيك لحم مقطع اصابع يتتبل في (ثوم ليمون ملح فلفل اسود)

    تحمرين شويه بصل وثوم وفلفل اخضر وشويه فلفل حار اذا تحبين وتضيفين عليه اللحم وتحمسينه وتضيفين عليه البهارات والمشروم

    تخلطين ملعقتين طحين في كوب حليب وتصبينها على الخليط وتتركينه 20 دقيقه تقريبا واذا نشف الماي منه زيديه شوي وقبل التقديم رشيه بشويه ليمون و قشطه



    ======================= حلى البيض عيون ========================





    اسهل منه مافيه

    بسكوت مطحون مع الزبده ترصينه في قاع ورق الكب كيك

    تخلطين 8 كيري مع حليب محلى

    وتصبينه على البسكوت

    ودخلينه الفرن لحد مايتماسك

    تاخذين شويه من كريم كراميل باودر وتخلطينه بشويه ماي (2م كريم كراميل مع 1 م ماي ) يعني انا اسويه بالنظر بس شويه عشان تسوين النقطه الصفرا

    تضيفيه على الحلى بعد ماتطلعينه من الفرن

    ودخلينه الثلاجه

    هني وعافيه على قلوبكم
  3. ! بنت قطر !
    السلام عليكم شحالكم انشالله طيبين لودي ماشالله عليج السلطه لما قطعتيها بالطول صارت تهبل شكلها وايد يشهي حلوه مربربه تسلم يدج والمعمول شكله يهبل سجلت طريقته لما بعد الريجيم :) اميره الشوق تسلم يدج على هالسفره الحلوه وسلطه الفصول ال…
    الفطور رحت عند اهلي
    فسويت جدر عيش مع دجاج واخذته معاي


    عباره عن قطع دجاج مخليه من العظم
    اسلقها بماء و دارسين اعواد ـ قرنفل ـ هيل ـ ملح

    بعدين اجيب جدر . و احط زيت و اقلي فيه بصله كبيره مقطعه شرايح كبيره .
    واضيف عليها حمص حب مسلوق جيدا
    و اضيف كركم
    و كشمش مسلوق عدل
    و كله اقليه
    واطلع قطع الدجاج المسلوقه
    واحطها فوقه واسكر الجدر
    واتبل المواد هذه كلها بالملح و الفلفل و البهارات الموجوده .


    الماي اللي سلقنا فيه الدجاج ما نقطه :) نسلق فيه العيش
    و لما يستوي العيش نصفيه بالمشخال .
    وناخذ كميه من العيش
    ونحطها بجدر الخلطه اللي فيها الدجاج عشان ياخذ اللون الاصفر
    ونزيد عليها شوي من الزعفران
    و بعدين اجيب الجدر الكبير و احط العيش الابيض المتبقى وفوقه العيش الاصفر بالدجاج
    و بعدين احط شوي من لون الاحمر ( الوان العيش )

    و ملعقتين من الدهن (سمن ) و اسكر الجدر عدل واخليه يطبخ بروحه لمده 10 دقائق على نار هاديه
    وبالعافيه .



    بنات هذا العيش مثل اللي فوق
    بس المختلفه نوع الدجاج انها بعظم ، و الدجاج انا قليته و حطيته فوق العيش
    ما خلطه مع العيش
    وبس :)

    السحور كان عباره عن
    علبه فول


    الطريقه ..
    جدر صغير اصغر حجم
    واحط عليه زيت زيتون و فلفل احمر
    بعدين افتح علبه الفول
    و اهرسها ( لازم تهرسون قطع الفول الكامله ) عشان تصير سائله
    واحطها على النار
    بعدين اضيف عليها طماطه واحده مقطعه صغير
    و اعصر عليها ليمونه كامله
    واسكر الجدر و اخليه يطبخ
    و عند التقديم نزينها بالبقدونس او الكزبره ( الموجود )

    مقالي مع جبن و طماطم و خس


    سمبوسه معروفه طبعاً
    لحم بعجين ( الاقراص اللي بالصوره )
    عباره عن
    لحم مفروم ـ نقطع عليه طماطه واحده مع بصله و خضرا بقدونس او كزبره الموجود
    ونضيف عليه كوب من الطحين الكويتي
    و نعجن
    اذا لزق باليد نبللل اليد بالزيت
    ونعجن ـ ولا ننسى الملح على اللحم
    ونسويها اقراص ونحطها بالفريز
    انا اسوي كميه دائما و اخشها بالثلاجه لان وايد طعمها حلو

    فاصوليا بالطماطم

    المقادير:
    فاصوليا علب ( العملاق الاخضر ) علبه واحده
    بصله
    طماطه
    ملعقه معجون طماطم

    الطريقه ..
    مقلاه فيها زيت
    نحط البصل
    يذبل شوي البصل
    نحط الفاصوليا المغسوله جيدا ( غسلوها عدل عشان ريحه المواد الحافظه تروح )
    نخلي الفاصوليا تحمس مع البصل
    نحط الطماطه المقطعه صغار
    ونسكر عليها عشان يتبخر الطماط و الفاصوليا مع بعض نقصر النار
    10 دقائق نفتح المقلاه ونحط ملعقه معجون طماطم
    ونسكر مره ثانيه
    ونتبلها بالملح فقط ( يكفي )
    وبالعافيه
  4. حبيبتي بنت قطر اطباقج واايد حلوة :)
    بس ابي اسألج عن حلو البيض

    انتي قلتي اننا ندخله الفرن
    يصير الورق هذا يدش الفرن عادي ؟ انا عندي بس ولا مره جربت اني ادخله الفرن اخاف يحترق

    وشكرا

تابعي تجارب أخرى من هذا القسم.