تجاربكم مع المواليد الجديد فترة النفاس ومابعدها وصلت مرحلة الانهيار ؟!

طيب متأكدة ما فيها مغص ؟؟؟
ولدي جت عليه فترة كذا جنني بالبكاء
وما بقي شي ما سويته له طلع حبيبي ممغوص وانا مو دارية 😎😎
سويت له مساج تلاقيه في اليوتيوب وعلى طول خرج غازات الله يكرم القارئ وارتاح
كمان دوري على لغة بكاء الطفل حتعرفي اش فيها بنتك مو فاكراها بالضبط بس كل بكوة لها معنى
والله يعينك

غيري حليبها انصحك بابتاميل
اذا ترضعي طبيعي انتبهي لاتكوني تاكلي شي يسبب غازات
حمميها بمويا دافيه بمكان دافي يوميا ودهني بطنها بزيت زيتون ورضعيها ونوميها
جربي لهيات من كل الانواع حتتقبل وحده منهم لاتيأسي
الله معك وربي يعنيك

جربي وديها لطبيبة شعبيه شاطرة يمكن معها خلع والا مصع والا شي هي بتعرف المرة اذا فيها شي والا قالت لك روحي مافيها شي انا وحدة من بناتي بهذلتني من الاربعين وهي لاليلها ليل ولا نهارها نهار صياح ٢٤ ساعة وكل اللي حولي يقولون عادي طبيعي بهالسن وطلعت من الاربعين وزاد الصياح متتت منها وتفككت يديني وانكسر ظهري من الشيل والهز ووديتها لمرة شاطرة عندنا الله يجزاها خير قالت معها خلع برقبتها من الولادة ومسدتها ٣ ايام وقالت ان بكت بعد فهي تتدلع والله من اول يوم وهي نايمة من يوم خرجت منها العشاء الين الصباح اعطيها رضعتها وهي نايمة والحمدلله تحسنت وصار نومها طبيعي وصياحها معقول ،، الله يشفي بنيتك ي رب

جيتي على الجرح لاقوه الا بالله معاي توام لا ليلي ليل ولا نهاري نهار غير التعب الارهاق صرت ادوخ كثير من قله النووم ولا عندي احد يساعدني الحمدلله

الله يرزقني ببرهم ويعيني
على تربيتهم

اذكر وحده بنتها كذا ماتنام ولاترتاح مثل الاطفال وبالاخير اكتشفوا ان سرها يحتاج كوي بالكهرب اللي بالمستشفى مو شعبي
وكمان وديها لطبيبه شعبيه ممكن فيها مصع او شي موباين لك وادعي لها ربي يهدي بالها ويشفيها
واذا على شغل البيت جيبي شغاله بالساعه
اتفقي معاها مره او مرتين بالاسبوع عشان يخف الحمل عنك شوي الله يطمن بالك ويشفي بنتك