اللي عندها اولاد من سن10الى15سنه ادخلوا لنستفيد

السلام عليكم
الله يكون في عونك يالغاليه العمر هذا حرج جدا والضرب مايجي بفائده للاسباب كثيره
واذا كان ابوهم يستخدمه اكبر خطأ في حق نفسه وحق اولاد .
تفاهمي مع زوجك على طريقه للتعامل معهم بدون مد لليد.لأنكم بتخسرونهم ,المسأله يبي لها صبر وطولت بال .والله يصلح ويهدي.
والسلام خير ختام

انا مو متزوجه بس بقولج الطريقه اللي امي تتبعها مع اخوانى لانهم دايما علي هالحال
هي تهددهم انها بتخبر ابوي لكن ما تنفذ الا اذا خلاص تعبت منهم لان اذا خبرته وضربهم او عصب عليهم خلاص بيتعودون وما بيخافون من شي ,وبعدين حاولي تسوين اشياء تحببهم وتقربهم في بعض يعنى يسوون نشاطات مشتركه ,يعنى خلج حازمه معاهم من دون صراخ ودايما كلميهم بأسلوب يحسسهم انهم كبار وهاي التصرفات ما تليق فيهم حتى ابو خمس سنين تلقينه ما بيخيب ظنج فيه
واتذكر كلمه كانت تقولي اياها جدتي الله يرحمها يوم تشوفنا نزعل من بعض ان (الأخوان ما يجوفون بعض بعد ما تقوم القيامه يعنى لا في جنه ولا نار والعياذ بالله بنجوف اخوانا )
الله يخليهم لج وتفرحين فيهم

ra
العودالمنثور

تسلمون حبايبي على الرد
الله يعطيكم العافية



وين باقي الامهات

فرقيهم اذا تهوشوا يعني واحد يطلع مع ابوه والثاني دخليه غرفته ولو اضطريتي تسكرين على كل واحد غرفه .............الله يصلحهم اذا تهاوشوا خطر يتذابحون ..

دخليهم حلقات تحفيظ علشان يبذلون مجهود فكري ومفييييييد

غير النوادي الرياضيه

من تجربتي اذا حصل خلاف بينهم مااتدخل ابدا لان الخلاف مفيد ويقوي علاقتهم
ببعض بعد فترة ولو لاحظتي بعد مرور وقت ساعة او ساعتين يرجعون لبعض
كانه لم يحصل شئ فانصحك اشغلي نفسك عنهم وهم يحلونها بينهم لاتتدخلين