تجاربكم مع المواليد الجديد فترة النفاس ومابعدها وصلت مرحلة الانهيار ؟!

روشيها و سويلها مساج بزيت الزيتون يكون دافي طبعا ولفيها كويس وشربيها يانسون مع حبه سكر نبات عشان تتقبله وبإذن الله راح ترتاح وتنام انا لما اسوي لبنتي كذا تنام 4 ساعات متواصله ولا تستسلمي للهايه اذا رضعتيها وتبكي أعطيها اللهايه وهزيها وراح تمسكها ودايمن لبسيها طاقيه عشان الهواء والله يساعدك فيها

عزيزتي التهاب الاذن يسوي هذا كله .. هذي طفلة لغتها الوحيدة البكا وهي عاجزة ولا تعرف انتي بشو تفكرين هي كل تفكيرها انتي الشخص الوحيد اللي تعرفه في هالعالم وودها ما تروحين لحظة عنها


اسمعي التهاب الاذن من سببين اما الحمام والماي يدخل اذنها .. أو حلمة الرضاعة تنقط الحليب ببطء وهي تبذل مجهود قوي علشان تشرب حليب وهالشيء يعور اذنها


غيري حلمة الرضاعة او افتحيها شوي زيادة بدبوس معقم ,,
وبالنسبة للمغص .,. بعد ما ترضع رفعيها وخليها تتجشأ .. وطولي في الرفع خليها تتجشأ 3 مرات لا تتسرعين ولا حاولي تطبطبين على ظهرها وتهزينها .. وبعد ما تتجشأ نوميها على ظهرها واضغطي رجلها على بطنها علشان تظلع الغازات أكثر ..
تحتاجين زيت الاطفال للمغص تلاقينه في الصيدليات وفي المحلات الأندونيسية وان ما لقيته .. زيت سمسم أفضله لأنه حار .. أو زيت زيتون .. ذوبي شوية فيكس مع الزيت في ايدك وادهني بطنها وظهرها .. يدفي بطنها ويخفف الغازات ..
لا تلبسينها قصير ولا تطلعينها بالليل برا .. امنعي عنها الازعاج .. وخلي جنبها القرآن لو من تيلفونك يشتغل ..
وانتي ريحي نفسيتك وأول ما تنام نامي .. ولا تتضايقين هي طفلة لا حول لها ولا قوة وكل ما كبرت بترد لك هالجمايل وأكثر .. لبى البنات فديتهم ما أحلاهم وما أحلى حنيتهم على أمهاتهم ,,

اغلب بكاء الرضع من الحليب الصناعي رضعيها طبيعي ماحتبكي وحتلاقيها هادية وتجن

سويت تقريبا بعض الأشياء مافي فايده وانا والله مو قصدي أتذمر منها بس ابي انتبه لنفسي واقويها عشان اقدر اعتني في بنتي كذا ما اقدر لا اكل ولا اخلص لو شي بسيط استغفر الله والله انصدمت الله يتوب علينا ولايحرمنا الأجر جاني خفقان آكلي قليل وانا محتاجه فيتامينات لانها ترضع من صدري عموما ماقصرتي ياقلبي على الشرح الجميل والله ينفع بالسبب

وديتها مرتين يقول عادي الاطفال في هالسن كذا نفس الحكي يكررونه وباقي موعد في مستشفى العسكري وانا عارفه انه ردي بيكرر الكلام الله يلهمنا الصبر ولا يضيع التعب