وافقت وندمت ذبحني التفكير احتاج تجاربكم ! ونصايحكم

طيب خلاص دامك على بر افسخي الخطبه وش هالنفسيه الشينه ناويه تكملين ؟

اهم شي الاستخاره و فكري زين بمنطق خلي العواطف على جنب و ما تدرين امك اكيد تبي مصلحتك
ادعي و وكلي امرك لله و انا تقريبا نفس حالتك ادعي كثيير و في تجارب حلوه كثير تزوجو رجال مو مقتنعين و بعدين حبوهم و احمدو ربهم و في الي تكون مقتنعه و متأمله انها تعيش سعيده و يصير العكس
اهم شي احسني الظن بالله

مقدر افيدك تدري ليه؟؟؟؟
لاني مثل حالتك بس ما احد جبرني عليه الناس مدحته واهلي مدحوه بس بدون ضغط
اخواتي حكن لي تحبيه مع الوقت ولحد الان ما تعلقت فيه ولا احبه بس اجامله وتعبت من التفكير حاولت افركشها بس مو زابطه وما احس اني خاطبه عايشه معه بدون شعور

حبيبتي انا مريت بنفس شعورك تقدم لي شخص رفضته لكن اهلي وخاصة امي بسبب خالتي جلست تقنعني فيه لين ما جيت تحت ظغطهم واقتنعت ورضيت فيه . وبعد الزواج ندمت وانقهرت ليش وافقت عليه لانه ما كان مناسب بي ابدا من اي ناحية .. صبرت لاني حملت من اول شهر والان اهلي ايضا اكتشفوا انه مو مناسب ليا وفي مشاكل وطلاق ..
فانا نفسي اوصل صوتي لكل بنت ما تزوجت لا توافق ع شخص مهما حاولوا معاها اذا هي ما هي متقبلته .. بتظلمي نفسك وهو واذا جو عيال لكم ..
والله يسسر لك الخير فين ما كان
قلت تجربتي المريرة لاني ما ابغى اي بنت تقع في مشكلتي

منطقياً كيف تحبين شخص ماحصل بينكم اي تواصل واحتكاك ولا جمعتكم ظروف ومواقف الحياه

لا سمعتي صوته ولا شفتيه يعني هو بالنسبه لك ولقلبك وعقلك وكيانك مجرد شي مجهول


انا دايماً افكر كيف ممكن اتقبل اتزوج شخص ما احس ولا 1% انه اختارني وله رغبه بالارتباط بي وهو كيف راح يتقبل بنت ما شافها ولا يعرفها بس مجرد امه لفت البيوت كلها تبي بنت تقبل فيه !!

اعتبرها مجازفه كبيره لانه لو تمت الخطوبه ثم تعرفتي عليه واستمر شعورك بعدم تقبله بيكون الانفصال صعب وغالباً بيكون مرفوض من الاهل وبيستمر اقناعهم لك بالاسطوانه المعروفه اللي دمرت بيوت ان الحب بعد الزواج والعشره ههههههههههههه