وافقت وندمت ذبحني التفكير احتاج تجاربكم ! ونصايحكم

تدرين قبل لا اقرا قصتكي هنا قريتها في الانستقرام!

وووع منك
قسم برجع كيف تحبينه يالحلال وانت عندك حبيب بالحرام ماتقدرين طريق الشيطان محليه لك ماعاد تحسين بطعم الحب بالحلال
رحمت زوجك المسكين 😤😷👎🏼
الله يهديك ولايفضحك عند زوجك ويطلقك ويبدله ربي بابرك منك عذر اقبح من ذنب
اقل شيء استتري لاتفضحين عمرك لاتجاهرين بالمعاصي واذا بليتم فاستترو
وقال صلى الله عليه وسلم كل أمتي معافى الا المجاهرون

ارفضيه و ارتاحي و لا تظلمي الرجال يتكلف و اخرتها تتركيه

ياليت اقابلك بعد سنوات واشوف هالحب الي تتكلمين وين وصلك

صدقيني امهاتنا وجداتنا ربو وعاشو وضحو مع بعض وشفنا بمجتمعاتنا كيف اذا ماتت عجوزه لحقها باشهر ماقدر يعيش هذا وهم ع قولتك حبهم بعد الزواج
وكثيير قالو نفس كلامك وانه الزمن تغير وللاسف البيوت امتلت مطلقات وكبيرات فاتهم القطار الله يعوضهم مو شرط ان العيب فيهم لكن الزواج مانجح مع ان كان فيه حب وزيارات

اذا الخلل مش في علاقات وخرابيط قبل الزواج ولازم اعرفه ويعرفني
الرسول صلى الله عليه وسلم قال من جاءكم من ترضون دينه وخلقه فزوجوه ان لم تفعلوا تكن فتنة وفساد كبير او كما قال
وقال تنكح الفتاه لنسبها ولمالها ولدينها فاظفر بذات الدين تربت يداك

ماقال حبو بعض وطقو حنك مع بعض بعدين تزوجو

وانت ياصاحبة الموضوع الحرمه تختلف عن الرجل فرصها معدوده الرجل ممكن يطق عشرين بيت لانه الخاطب لكن البنت بمجتمعنا تنتظر الي يجيها فاذا فيه صفات جمييله وموظف وخلووق اهم شيء الخلق نصييحه لاتفرطين
والله العظيم اذكر وحده كانت تدرس معنا كانت تعيب على وحده من زميلاتي زوجوها اهلها ولد عمها وتقول كيف يزوجونك صغيره وكيف تاخذينه وتطيعينهم انا رديت خاطب لاني ادرس ورايي مهم ومدري ايش ودايم تسكت هالضعيفه وتطقطق عليها
فعلا تخرجت وتزوجت بس بعد مادخلت الثلاثين وخذت اكبر منها ومعدد وحياتها مشاكل الله يسعدها
وهذيك عيالها الحين بالمدارس وولد عمها رازها وجنب بيت امها وابر وحده فيها وتوظفت وتخرجت
وكل ماتقابلنا هذيك ماعاد تنكت عليها ابد ً

المقصد استخيري وشوفي وضعك ترى حنا مو دوله اوروبيه تحبين وتطلعين بعدين تزوجين كلناااا حبينا بعد الزواج مع العشره لما تمرضين ويوقف معك لما ينزنق وتتحملينه او يمرض وتوقفين معه
لما يضيق من شيء ويجي يشكي لك
هنا الحب والتعود يجي
لاتقعدين تاخذين كلام مجتمعات مختلفه انت مجتمعك قريب من مجتمعي عشان كذا قلت لك هالكلام
لكن المجتمعات المنفتحه وشوفيه ماهي عندنا ولاعاشو حياتنا وعاداتنا
واستخيري

صراحه اشوف طريقة الزواج في بلادكم خطأ .. يعني انا لا مع حب وحرام ولعب ولا مع ملكه ودخله ع طول


ترى احنا ما عايشين مسلسلات احبه ويحفى ع بال ما ياخذني وهكذا اكون سعيده ابدا هذا مو مقياس وخطأ ..
لكن لازم نظره شرعيه بوجود الاب او الاخ ..


انا مثلا شفت صورة زوجي وما تقبلته بالصوره لكن وافقت انه يجي اشوفه وكنت ابكي اذا حد خطبني بس صرت اشرب ماء مقروء فيه قران واقرأ سورة البقرة واجا مع امه واخته وجلست امامه بوجود امي وابوي وطبعا ما ركزت بشكله لكن افضل من الصوره وبعد الاتفاق عملنا حفلة الملكه احنا نسميها حفلة مهر
واجا مع اهله واقاربهم وتم عقد القران واستمرت خطوبتنا 4 شهور كان يجيلي كل اسبوع نجلس لحالنا نسولف احيانا يتعشا او يتغدى عندنا وهكذا اصبحت هناك الفه و قبول هو تقبلني زوجه له وانا كذلك وخلال هذه الفتره بامكاني ارجع له كلشي وافسخ رغم انه شي صعب ع اهلي و صعب انخطب بعدها من جديد لكن زواج من غير نظره شرعيه ولا فترة خطوبه اكيد راح يكون عندكم خوف وقلق هذا طبيعي حبيبتي واذا اجاك غيره راح يصير معك نفس الشي صدقيني