قررت الانفصال ولكن ،،، تعالوا بسرعة

أختي مقصدك من طلب الخلع كسره لأنه كسرك و جرحك فتبين تنتقمين منه لكن فكري ما بعد الإنتقام نقول تم الخلع هل تتوقعين ما ينتقم منك بأغلى ما عندك أطفالك هل فيه يد بتكون سند لك في حال الإنفصال ؟
كيف بتكون حياتك عند أهلك فكري فيها لبعدين تفكيرك الأن قريب و في لحظة قهر
الشيء الثاني حطي في بالك أن القاضي يحولك لبيت الطاعه ( حول هالأسم )؟على أساس يحاولون الإصلاح ما بينكم
فكري فيها مو عشان عيونه عشان الصغار هم الضحايا

لازم حضور الزوجين عند القاضي وهويلفظ عبارات الخلع وانتي تقولين قبلت ثم توقعون على الاوراق عند القاضي وترجعين المهر
يعني فيها رفع قضية خلع حبال المحاكم طويلة يمكن اقل شي 4شهور وحدة اعرفها رفعت قضية خلع وماخلعها زوجها الا بعد 9اشهر والسبب مواعيد المحكمة..
الله يفرج همك

لا تاخذي اي قرار وانتي منفعلة وزعلانه ريحي عند أهلك واطلعي وغيري جو وحاولي تنسي مشكلتك كم يوم بعدها فكري بعقلك ماهو بعاطفتك
ثاني شي لازم تراعي مصلحة اطفالك وايش اللي راح يتغيير عليهم بعد الطلاق وايش اللي راح يخسروه او يكسبوه
ثالث شي لاتنسي الاستخارة قبل ماتتصرفي اي تصرف
والله يرشدك للخير

ترا الخلع تحرمين عليه طووول العمر لو اخذتي عشر رجال بعده ماتحلين له مو مثل الطلاق
فكري زين اذا تحبينه خوذي حقك بشيء ثان

أنتي تقولين تبين تقهرينه بالخلع بس انتي متأكده من مشاعرك انك فعلا تكرهينه يمكن مسألت الكره اللي تشعرين به تجاه زوجك وقتي وراح يزول بعد مده نصيحتي لك تأكدي من مشاعرك لان صعبه بتخلعينه ثم تفكرين برجوع له وراح يتقوى عليك اكثر واكثر او يكون تزوج وترجعين له ع زوجه واذا انتي فعلا وصلتي معه لطريق مسدود وتكرهين العيش معه فالأفضل الطلاق لان صعبة يتربى الاطفال في بيئه كلها مشاكل بعض الاحيان يصير الطلاق رحمه لزوجه والأطفال وربي يهديك للقرار الصحيح اللي فيه خير لك ولأطفالك