إلى كل وحده تفكر بالطلاق تعالي بقولك شي

باحاول اكلم خالي استشيره بالموضوع .. المشكلة الطرفين ما احد يسمع .. وامس ابوية دق ع اخو زوجي يقول له ارسلوا بنتي ولا نرفع قضية طلاق .. وبعدها جا زوجي وخاصمني وضربني والله من يوم ما صحيت افكر اكلم اهلي يجو ياخذوني لانه وصلت حياتي الى الطريق المسدود .. لكن سؤال بنتي رضيعة اذا كلمت الشرطة بيجيوها لي او المحكمة تقدر تأخذ منه في نفس اليوم وتعطيني ؟

الله لا يحرم احد من ابوه وامه

الله يفرج همك حبيبتي...بس زوجك المصون ليش يضرب...انتي بإيش غلطتي عشان يمد يده ....اسمحي لي انا اتنرفز من الرجل الي يمد يده حتى بسبب فما بالك الي يمدها من دون سبب...أبوك كلم اخو زوجك وزوجك جا ضربك انتي ...شفتي الرابط العجيب ...لاتسمحي له مره ثانيه يمد يده ....وافضل تكلمي خالك بكل شي حتى بتعديات زوجك عشان يحط له حد وبالنسبه لبنتك خذيها معك واذا ابوها رفض المحكمه تجيبها غصبا عنه بس مشكلة المحاكم يبغالها شوية وقت لازم ترفعي قضيه اول ماتوصلي بيت اهلك ولانه بمنطقه ثانيه ممكن يعطوكي موعد بعيد يعني بعد شهر او شهرين واتمنى ان الامور ماتوصل لدرجه هذي بس حبيت اجاوب على كل جزئيات موضوعك...لاتنسي تطنينا عنك

موضوع جميل انا معك ان الواحده لازم تفكر قبل الانفصال لانه قرار صعب ويترتب عليه امور كثيره وتسال نفسها هل بتقدر تعيش من غير اولادها اذا اخذهم ؟
طيب هل اهلها بيتقبلوها ويتقبلوا اولادها
هل معاها شهاده وبتتوظف وتستقل ؟
بالنسبه للزوج المدمن الي حياته كلها ضرب وشك وقلق هذه تطلق احسن لها بس اذا محد راضي يستقبلها من اهلها هنا بتضطر انها تتحمل وتمشي الحياه
عندي صديقتين تطلقوا وندموا
الاولى كان زوجها يضربها ومدمن لما تطلقت اخذ اولادها وهي تزوجت وخلفت وزوجها طيب بس مره كنت عندها قالت تعرفي يافلانه لو الزمن يرجع ماكنت تطلقت كان صبرت عالضرب ولا اني اعيش بعيده عن اولادي انا هداتها يافلانه انتي صبرتي سبع سنين وعملتي الي عليك قالت المشكله انه حرمني من شوفتهم او حتى اسمع صوتهم
الاولاد يكسروا الظهر لا تلوموا الي تصبر عشان اولادها لانه قلب ام وسواء كبروا وتغيروا عليها او ما تغيروا هي بالاخير ادت امانه كانت على عاتقها وارضت ضميرها والي بيعصي هو الي بيتحمل الاثم وعدم التوفيق
صديقتي الاخرى كانت عايشه مع زوجها لحالهم حصلت ظروف قاهره اضطر يرجعها لبيت اهله وحصلت مشاكل بينه وبين اخته وبلخظه غضب طلقها لما رجعت بيت اهلها بالرغم انه فله ومعاها غرفه نوم كامله ما ارتاحت وندمت انها ماصبرت وكانت تراسلني وهي مقهورة تبغى ترجع عند زوجها وكبرت المشاكل بين الاهل بالاخير رجعت لزوجها وكانت فرحانه رغم ان مامعاها غرفه نوم ملابسها بالشنط بس سبحان الله الواحده خلاص تتعود ع زوجها وتبغى مكانها وغرفتها وماتبغى تشتت اولادها
بالاخير كل واحده ادرى بحياتها لذلك لاتستعجل بقرار مصيري ممكن تندم بعده

أم عبود حبيبتي كلامك جدا جميل وواقعي فعلا في بعض الحالات الوحده مايكون قدامها الا خيار الصبر ....خيار التضحيه ....وممكن تنجبر على التعايش مع وضع ماينطاق عشان عيالها ...لكن صدقيني مهما الوحده ندمت على قرار اتخذته في حياتها انا عندي ايمان قوي انه هو الخيره لها سواء تطلقت ولا صبرت الوحده يتندم لانها ماتدري ايش الي ربي مخبيه لها لكن مع الأيام راح تعرف حكمة رب العالمين...ربي ماينسى سنين الألم والحزن الي عشناها وراح يعوض كل صابر خير إنما يوفى الصابرون أجرهم بغير حساب...نورتي موضوعي ام عبووود😘