فيدو واستفيدو😆.. نصائح إيجابية وحوارات عن تطوير الذات[ مُعدل]

مشكوره ع المقطع الله يسعدك رح اشوفه 😑😚

اذا حسيتي العالم كله ضدك اعرفي ان نفسيتك تعبانة
حاولي تريحينها لان مستحيل العالم يتفضى ويكون ضدك

اجلسي مع نفسك شوي و صارحي نفسك .. هل اسلوبك في البيت طبيعي زي اخوانك واهلك !


طيب اذا نفسه كيف اسلوبهم حلو تحسينه وزي كل الناس ؟


اهلك اجتماعيين ويسولفون وما يعانون مثلك ؟


انتي بنت مثلي ومثل فلانه و علانه ما ينقصك شي لا ثقافه ولا شي ان شاء الله
هي شوييية ثقه وينتهي موضوعك ويخلص تماماً


عادي اذا احد تكلم معك ردي عليه بنفس الأسلوب ونفس نبرة الصوت و جاوبي على قد السؤال بكل وضوح


حبه حبه تصيرين انتي اللي تسألين و تصير اجابتك مطوّله وتصيرين اجتماعيه و عاديه فقط هي شوييييية ثقه ومواجهه لا أكثر .. ابدأيها بالرد على اللي حولك بدون ما يكون فيك ربكه او صوتك واطي


عادي جاوبي زين ماحد بياكلك 😂 امزح بالله لا تزعلين بس جد عاادي خليك و بتتعودين 👌

انا كان مشكلتي اخاف اذا طلعت قدام مجموعه من ناس واتكلم في موضوع او اعرض شي
خاصه اني في كليتي نسوي بريسنتاشن قدام البنات ف قمت ادرب نفسي في البيت
اجلس ف غرفتي واطالع المرايه واتكلم واتخيل حولي ناس واعيد وازيد ف نفس الكلام
لييين صرت متعوده على طريقة العرض
بعدها رحت الكلية انا ورفيقاتي وسوينا بروفه وحاولت اتخيل ان في ناس زي كذا جالسين يسمعون
و فعلا تغلبت على المشكله الحمدلله
اهم شي مظهرك وافكارك مرتبة و وقفتك و النطق السليم

اي بعد في شي
عشان تقوي ثقتك بنفسك ادعمي نفسك
و اعتني بنفسك بس مو لدرجه تكونين انانية !
بس لين تقدرين تثبتين وجودك ,
حبك للتعلم والاكتشاف و تطلع الجديد يقوي ثقتك بنفسك
ارفقي بنفسك و التزمي بالعباده والصلوات

حبي نفسك ولا تظلمينها , * ان لنفسك عليك حقا *