هل شقتي مسكونة ولا يتهيء لي !!
الله مارزقني بأطفال ... الله يرزقني يارب ويعوض صبري خير ... و زوجي اغلب الوقت برى البيت وانا ابقى لحالي واشغل نفسي بشغل البيت ... منها عشان ما افكر بالحمل ومنها اشغل نفسي بشيء مفيد .. واقسم بالله اني صادقة : لاحظت اني لما اشتغل واكون منهمكة بالشغل سواء طبخ او غسل ملابس اشوف كأن احد مر من جنبي والله العظيم .. صرت اطنش واقول تخيلات بس احس الشيء زاد عن حده .. انا بجد احس ان احد يمشي بالصالة ويمر من عندي كأنه طيف ولما ألتفت مالقى احد واتعوذ من الشيطان واقنع نفسي إنها أوهام ... كانت لي صور معلقة حقت يوم زواجي والله شلتهم وحطيتهم بالدرج .. واي صورة أرواح شلتها ... وقناة المجد للقران اغلب الاوقات اشغلها واروح اشتغل بس احيانا يمر اسبوع ما اشغل قران ... تعرفون يا بنات الاحساس ان فيه احد يتمشى بالشقه وعايش معك ! هذا احساسي بالضبط ... حتى احيانا من كثر ما انا متاكده انه فيه احد بالشقة انادي اسم زوجي واقول لا تخوفني وتتخبى ما احب هالحركات .. راح تقولون لان لحالك بالشقة وتحسين حالك وحيدة فطبيعي يجيك هالاحساس ... بس والله ما افكر بالجن وماعندي خوف ولله الحمد ومو موسوسة ... بس احساس ان فيه واحد يتمشى بالشقة ويمر من جنبي كأنه طيف مستغوبه منه ... وهل معقول شقتي مسكونة !! انا وزوجي قبل لا ننام نشغل الجوال على محاضرة او قران ونسمعها وننام والمحاضرة شغالة .. بس مدري انا بديت اتعب من هالسالفة وماحبيت اقول لزوجي لانه ماراح يصدقني اصلا ...