الوحام حقيقه ام خيال

استغفر الله

اتذكر اخر مرة اتوحمت ع ريحة التراب بعد المطر ي سلام واشتهيت اكل ههههه وحاولت امسك حالي عشان ما اكل بس ما قدرت والله صبرت شهرين بعدها خلاص قلت طفح الكيل واخلي اخوي يجيب لي تراب نظيف واجلس اكل منه بس مو مرة لا يعني شوي وانقرف وارجع ثاني مرة اشتهي مدري ليه

أنا بكرية
توحمت على بيتي و جوزي
أول ما أفتح باب الشقة أحس باكتئاب و بس أبكي و أشم ريحة معفنة
أما جوزي كرهتو كره لدرجة رحت بيتنا و أقول لهم خلاص ما أبغاه ولا أبغى أشوف وجهو أو حتى أسمع سيرتو
كرهت المكياج.. كنت لمن أشوف وحده حاطة مكياج يجيني غثيان على طول
و الدجاج كمانا مرررره ما سرت آكلو.. حتى لمن ينطبخ أشم له ريحة أستغفر الله


أي شي آكلو ف بيتي أرجعو ما يقعد دقيقة و الله لدرجة رحت المستشفى و حطوا لي مغذي
ما أبغى إلا طبخ ماما الله يمد بعمرها كمان و كمان ولا يحرمني منها يارب
أرتاح نفسيًا لمن أكون عندها
سرت حساسة مره أي شي يبكيني لو كان ما يستاهل
ولا أبغى الناس ولا أبغى أخرج ولا مكان
بس دحين الحمد لله بديت أرجع و نفسيتي تتحسن
من جد الحمل مو بالساهل و الله يتمم لي و لكل حامل على خير يارب و يكتب لنا ساعة السلامة و نشوفهم سليمين معافين يارب
الله يرزقنا بر أمهاتنا و آباءنا يارب

توحمت على الافلافل صرت مااطيقه ولا احد يدكره وادا سمعت احد يتكلم عنه احس برجع وكرهت بعض الروايح والحمد لله عدت على خير

كأنك بتتكلمي عني بس أنا مش وقت بكريةبس لأ بكل حمل نفس الشي عذاااب وموت استفراغي كان ٢٤ ساعة والمعدة فاضية وقالت الدكتورة لازم اتنوم بالمستشفى وكنت أسمع من الناس أن بعض الحوامل تكره زوجها أقسم بالله لما ذقت عرفت أنه صحيح لما أشوف زوجي أحس بنتحر احساس غريب اشمئزاز ووجع بالبطن والاستفراغ بيقوى ما أعرف ليه معاي بزيادة وسبحان الله الفرج يجي أول ما أدخل الشهر الرابع مثل السحر كله يختفي
وبرده قال لي الدكتور ان جسمي ما يتقبل الحمل بشكل سريع لأني أول شهر تصير معايي سخونة عالية وأوجاع لدرجة يشكوا أنه الحمل خارج الرحم ويطلع أن الوحام شديد معي جداً