بنات ثلاث مرات أنخطب ولايتم شي
أول مرة أخطبوني ناس لولدهم و وافقت وننتظر يتقدمون لي رسمي بس أسحبوا علينا ولا دقوا وقالوا ماصار نصيب وخلوا بنتكم تشوف نصيبها مع شخص ثاني لاسكتوا وأسحبوا
وثاني مرة خطبوني ناس بعد وافقت أنتظرنا يتكلمون يكملون الخطبة والإجرائات ونفس الشي اسحبوا علينا ولاقالوا عالأقل عالأقل خلاص مانبي بنتكم والله لو يقولونها أفضل من السحبة والإنتظار ماتدرين بيجون أو لا ولاتعرفين مصيرك الا بعد شهر أو أكثر تقعدين بحيرة بيجون أو لا
وثالث مرة نفس الطريقة يخطبون و أوافق ويقولون لهم أهلي إني موافقة ويسحبون علينا بدون يقولون خلاص ماصار نصيب لا سحبة بسكوووت وصمت لدرجة ممكن نقابل إلي فتحت فمها وتكلمت تخطبني لولدها ولاتفتح فمها بالموضوع ثاني ولا كأنها سوت شي؟كأنها كلمت أصنام وتركتهم عالأقل أستحي قولي لناس خلاص مافيه نصيب
بنات بسألكم سؤال وجاوبوا علي بصراحة أنتم لو تخطبون وحدة لأخوانكم أو عيالكم وبعدين يصير سبب إنكم ماتبون البنت أو الولد يرفض هل بتسحبون عليها وعلى أهلها والا عالأقل تقولون ماصار نصيب ومن هالكلام؟؟جاوبوا بصراحة
وأنا بصراحة بديت أشك إن أحد يشوه سمعتي يمكن مايسألون عني الا بعد مايخطبون وبعدين يسألون ياليتهم يسألون عني قبل يعطوني أمل وقبل يخطبوني أنا صرت أتمنى إني مانخطب من الأساس لأن ماراح يتم شي وآخر خطبة توقعت ماتتم أصلا لأني أخذت درس من الخطبتين إلي قبل ولو أنخطب الرابعة ماراح أفرح لأن أعرف وش مصيري وصراحة إلي يصير شي غريب غريب جدا جدا معقولة ناس كذا يخطبون وينسون؟حنا يوم خطبنا لأخوي قعدنا ننتظر على أحر من الجمر موافقة البنت
أخيرا :بوجه رسالة للي يخطبون لعيالهم أو أخوانهم رجاء لاتسحبون على البنات وإذا ماتبون البنت لاتخطبونها من البداية
شاركي في النقاش
سجلي الدخول لإضافة تعليق.
التعليقات
31- ربي يعوضك الي افضل منهم ان شاء **** مواقفهم غير لايقة وان شاء **** نصيبك بيكون افضل ما راح تندمين ان شاء **** حسبي **** عليهم
- أول شيء ياإختي كل شيء قسمه ونصيب
ثاني شيء فعلاً أي واحد بيروح يخطب بنت يعرف عائلتها ويعرف عنها
خلاص هو يخطب يبيها بس ينتظر موفقتها،،
إقري أذكارك وإقري على نفسك وادعي ان ربي يبعد عنك الشر
والله يسعدك ويرزقك الزوج الصالح،. - صادقه المفروض يتكلمو ولو بمسج مثلا نعتذر كل شي قسمة ونصيب لا كن مايسحبو وينطشو عشان البنت برضو تشوف حياتها وماتعتمد عليهم
وبرضو سالفة الخطبه والشوفه الشرعيه صحيح انها مابين القبول والرد بس احيانا تجي ناس من البدايه مو جاده بالموضوع ويرفضو عشان كذا من البدايه اللي مو جادين لايخطبون بنات الناس من الأساس - اخاف في سحر تعطيل زواج ..ارقي نفسك واسمعي رقيه السحر ..الله يوفقك يارب ويطلع نصيبك .
- مافيك شي ولااحد تكلم عنك ولااحد شوه سمعتك هو مو جادين بالخطبه وخصوصا الحريم هي يمكن جايه تشوفك بس وادا عجبتيها تبي تكمل ولو ماعجبتيها ماراح تكمل ماله داعي تقولون لها انكم موافقه وهي ماسألت اسكتو ادا كملت كملت ماكملت يعني مايبون
صديقتي نفس المشكله هي واخواتها لا وبعد الحريم اللي يجونهم قبل يطلعون يقولون لهم احلاكم هاذي يمدحون اختهم المتزوجه ويطلعن وماعاد يشوفون رقعة وجيهم هههههه الله يهديها هي واهلها بس
مواضيع مشابهة
تابعي تجارب أخرى من هذا القسم.