السلام علييكم كييفكم بنات .. ان شاءالله كلكم بخير ..
بدخل بالموضوع على طوول ..
بنات انا واختي مابينا فرق انا اكبر منها بسنتين .. وكلنا متزوجات .. طبعا اعمارنا بالعشرينات .. انا عندي اطفال .. لاني متزوجه قبلها بكم سنه..هي توها لها سنتين الله يرزقها يارب .
وين المشكله ..المشكله انها تعزمني وتصرر علي حييل .وتقعد تطلبني . قبلها بكم يوم اقولها انتي تعالي اخف مني انا عندي بزراني وكذا .. تجلس تصر علي ..وبيتها بعيد عني يمكن اكثر من نص ساعه واذا زحمه نطول بالخط ..
المهم لاجت تعزمني طبعا قبلها بكم يوم واقولها اوكي ..
وارسلها بنفس اليوم الظهر . واقولها ترا ان شاءالله اجيك ..العصر..وتقول حياك تعالي.. ولا طلعت من البيت ارسلها اقولها تراني طلعت ..
المهم .. من اووصل الباب الداخلي مسكر .. واجلس ادق وادق بعد10 دقايق كذا تنزل هي بالدور الثاني ..
وادخل البيت ..مظظلم وحووسه وملابس بالارض .. وتدخلني الصاله وممنووع عيالي يطلعون من المجلس وهم صغار يروحون ويجون مع انهم شاطرين ماشاءالله مايحوسون بس تعصب عليهم اطا قامو يلعبون مع بعض وكذا ..و احسها مرره تتضايق منهم مع انها تحبهم ..
المهم اجلس ساعه ماجهزت لا قهوه ولا شي تسوولف ..ونروح المطبخ .. وادخل معها ونسوي القهوه ..
بعدين اذا ولدي يسولف معها وكذا تقوول اي اي ادري ابعد عني .. وتسكته بس بطريقه واضحه وهو ياقلبي يسكت .. ولدييعني تكسحه ماتجامل
والله اوصل العصر مااتقهوى الا المغرب.. معنها هي اللي تعزمني ويكون عندها خبر .. ولا مرة ومرتين كثير .واذا قلتلها تعالي ترفض ان بيتي بعيد وكذا .. مره واحد من عيالي مزكم وطلبتني اجي وعلمتها قالت عادي وش المشكله تعالي بس .. ومن اجي نفس الحاله لاهي مجهزه قهوه ولا شي نجلس لنا ساعتين ماتقهوينا .. ويوم جابت القهوه نزلتها عندي وراحت بزاوية المجلس جلست وحطت فاين ع خشمها .. عشان ماتنعدي وجلست لحالي اتقهوى بس تجي تصب فنجال وتروح تجلس بعيد .. وولدي اللي مو مزكم .. يجي يسولف معها تقول وخر وراك لاتعديني ..قلت مابه شي قالت الا شفته كح.. طيب واذا كح .. الزبده تررفع ضغظي مع اني انصحها واقولها لازم البيت يترتب واهل زوجك اذا عزمتيهم ترتبين تولعين بخورتجهزين القهوه واسولف معها تقول اي بيتي نظيف وهو لا العكس يعني ماتتقبل وكانها شي عادي ..
ولا اذا جلسنا وحنا نسولف بس تتشكى انا راسي يعورني انا ظهري انا بطني يعورني وتنسدح واذا لعبو عيالي يوه اسكتو ومدري ايش ..
طيب اذا انتي تعبانه او مالك خلق وماتتحملين ازعاج الاطفال ليش تعزميني .. والله ان عيالي مررره هادين من اشغل لهم التلفزيون يسكتون بس لازم احيانا يلعبون وكذا تتضايق منهم
انا اذا جتني .. طبعا بيتي الحمدلله نظيف ..
اولع البخور واسوي القهوه والحلا .. والشاي .. قبل لاتجي بوقت يعني ع طول من تجي تتقهوى وتسوي العشا .. وبيتي لمباته شغاله .. والله ماانساها ..بس مرررره جتني وكل شي جاهز الحلا والكيك .. بس القهوه خللصت وارسلت زوجي يجيب لي من المحل ..وهي اول مادخلت ..زوجي وصل بعدها ع طول وجابلي القهوه ..
وركبتها ع طول يعني ماتأخرت عليها الا 10 دقايق
وجلست تتأفف وحالتها حاله قلت خلصت وزوجي كان نايم .. وقعدته وجابلي .. يعني شي غصب عني .. المهم يوم راحت وجتني مره ثانيه بعد فتره ..عزمتها ومجهزه كل شي لها .. واحتريها ترسلي تقولي انا بالطريق قلت حياك الله .. قالت قومي سوي قهوتك مو اجي وانتي للحين ماسويتيها .. يعني بس مره وحده شوف مانستها وتدقني بالكلام .. وانا غصب علي مخلصه ..
صرت اكرره اروح لها عندي بيتي ومع زوجي اونس اتقهوى واسولف .. وعيالي ع راحتهم اخر مره ماممدامي نزلت عندها وشفتها تتافف من عيالي وكذا ع كول ارسلت لزوجي قلت ماابغى اتاخر ساعتين وتعال ..
المشكله تزعل لو ماجيتها ..
والحين .. تبيني اجي وانظف معها وبيتها حوسه حوسه مو حوسه خفيف علشان اساعدها لا فرن صاير اسوود والثلاجه. والدواليب المطبخ والحمامات يعني كرف كرف .. مره جيتها وساعدتها .وصارت تبيني اجي وانظف لها . مع ان اهل زوجها عندهم شغاله ..
انا والله ماالحق شغل بيتي من اقعد لين انام واكرررف واطبخ الثلاث وجبات .. و عيالي وتعرفون مسؤوليتهم وحوسه البزارين .. ومسويه جدول .. كل شي انظفه الحمد لله بس ولو انا اتعب ببيتي ودي اطلع اغير جو اتقهوى واسولف .. مو اسير عليها اكررف .. المشكله مو مره ولا مرتين .. تبي دايم .قلتلها انا اسوي جدول وانظف كل شي ..تقول يوه مالي خلق
قسم بالله كنبي قبل فتره فككته وغسلته والمجلس بعد غسلته كلله وربي يديني انتفخن وتشققن .. وتبيني بعج اروح انظف لها بيتها وهي ما عندها بزران .. الحين اتهرب واصرفها .. بس ماتفهم .. ترجع وتزن وتزعل بعد ..
شسوي اروح اكرف لها بعد .. ولا مدري شقولها وبنفس الوقت ماابيها تزعل بس ليش ماتفهم اني انا اكرف ببيتي ومالقى وقت وبيتي سيراميك وكل يوم كنس ومسح وهي بيتها مفرووش بس مشكلتها مو منظمه كل شي طايح كل شي فوق بعض ..
هي نفس امها.. طبعا اختي من ابوي ..
مرة زوجي سافر علشان عندهم وفاة ونزلني على بيت ابوي ومرة ابوي .. يومين والله العظيم اني كرفت كرفت لين انكسر ظهري بيتهم مررره كبير .. ومو نظييف وحووسه وكل شي ع بعض وقسم الرجال والحريم مغبر وحايس غسلت وكرفت وكنست ونظفت حمامات .. الله يعين بس .. اجري ع الله
يشوفون بيتي نظيف ويبوني اكرف عندهم .. يستغلوون طيبتي .. وصرت لما ازور ابوي .. تقولنا قومو نظفو قومو غسلو ومسحو .. وكل مره اجييهم لااازم انظف احيانا يدق زوجي بياخذني وانا بالمطبخ اكرف واغسل مواعين .. مااصدق يجي زوجي واجي البيت انام ع طول منهد حيلي وزوجي يستغرب طبعا مااقوله .. زوجيومع ذلك لاكلمه طيبه ولا شي وادنى غلطه على طول كلامها يسم البدن
يااعمري امي الله يحفظها ويخليها اذا سافرت لها .وشافتني انظف بيتها تهاوشني تقول اتركيه معليه وهي بنفسها تسويلي القهوه .. ونجلس نسولف .. والله اني افرح انظف لها واخدمها .. احيانا اذا نامت اروح للمطبخ وانظف الثلاجه والفرن وكل شي تقعد تشوفه تنبسط حيل وتستانس وترجع تخانقني ماتبيني انظف علشان مااتعب تقول انتي جايه تستانسين ولا تكرفين .. مع انها ماعندها بنات بس عيال انا بنتها الوحيده

يالله موضوعي ملخبط وحايس
واسفه اني طولت عليكم .. واتمنى من المشرفات حذف الموضوع بعد مااكتفي من الردود علشان محد يعرفني ..

اختي

اختي

اختي

اختي!

اختي ؟؟؟