ريحتها تسبق خطاويها 💔

مرحبا يا اخوات
ويا مشرفات رجيتكم لا تنقلون الموضوع ع الاقل ليوم او لحد م احصل رد شافي من الحلوات
يابنات اريدكم تساعدوني ب اختيار معطرات الجسم والشعر
ودي اصير فواحه وانا امشي ودي فجمعات الاهل تكون ريحتي مميزة وتجيب السعادة
حتى بدوامي ودي اكون بين زميلاتي متميزة
واهم شي عند زوجي
انا اهتم بنظافتي واتبخر واتعطر
لكن ابحث عن شي ثاني
علما اني خذيت مجموعات كثيرة من سنتر بوينت لكنها سمرت بشرتي وجابتلي نتيجه عكسيه
احين يابنات ياليت تعلموني بالانواع الحلوة
مثلا اذا بودي شوب خبروني ب اسم المجموعه لاني اعرفها كبيرة ومنتجاتها كثيرة
واذا نوع ثاني بعد علموني عليه
لا تردوووني يابنات ارجوك

33 تعليق 52,988 مشاهدة

شاركي في النقاش

سجلي الدخول لإضافة تعليق.

التعليقات

32
  1. @tebo

    في مجموعه الجدييده الي لونها اسود جنان
    وفي مجموعه جديده كمان لايف ات از الذهبي مركزه روعه بعد
    وانتي شمي وخذي الي يناسي
  2. @trfamp

    الله يجملك بعين زوجك ويسخره لك بقولك طريقتي انا اتحمم بصابون ديتول وليفه وادعك جسمي زين وافرش اسناني باستمرار لازم التفريش باليوم اكثر من مره بعدين اغسل شعري بشامبو عادي ومرتبن بالاسبوع احط بلسم انوع الي يعجبني واذا خلصت استحمام اجيب مسك روز من اجمل اتعب وانا اقولكم يجنن انا ماشمه بس هم يشمونه ودايم يسألوني وش عطرك وانا ماحب اكثر عطور وكريمات جسم ماحط المعطره اتحسس منها احط كريم او فازلين الي ارتاح عليه مرات دوف ومرات فازلين بالصبار على حسب الي يعجبني بس ضروري بعد الاستحمام احطه طبعا المسك احطه ع رقبتي وشوي بشعري كنت استخدم الشبة للابط بعد الاستحمام لاكن مع الحمل تعبني صار يسبب لي حكه استغنيت عنه ويرميا اغسل جسمي وبس هذا نظامي وكثير يسألوني وش عطري هو هذا سري المسك وادعيلي بتسهيل ولادتي

تابعي تجارب أخرى من هذا القسم.