المسلسلات التركية....

كرهيهم فيها
تكلمي عن تمثيلهم باحتقار
علميهم هذول ناس فاسدين وجايين يفسدون الناس معاهم
والناس كلها لو تسوي شي حرام مانروح نسوي معاهم
اللي يبي يختار الناس بكيفه واللي يبي الجنة بكيفه
ترى المسلسلات تاثر عالنفسية بشكل كبير
بس الوحدة تشوف يصير ودها تجرب وتدخل فعالم سرحان
وحتى دراستهم تتاثر ممكن تتاثر اذا تاثروا فيها
فيه اشيا افود واولى انهم يسوونها فيه برامج مفيدة سواء علمية او دينية او اجتماعية
الزين مايشوف الا الزين والشين مايشوف الا الشين

كم اعمااارهم ؟
على فكره بنات هالزمن اغلبهم يتابعون هالمسلسلات التركيه وانا ملاحظه مره
غلى فكره اغلبها لقطات وصخه وهابطه وضم وبوس
انتبهي عليييهم زززين لو عندي اخت او بنت صغيره مارح اخليها تتابع ابد

بعض اللي يردون ذكروني بواحد كان جالس مع خاله المطوع يتفرجون على مباراه كرة قدم

الخال يسأله وش اسم هذا اللاعب قال له ما ادري

لانه عارف اذا كان صادق معه وجاوبه بينشب في حلقه ويبدأ نصايح وثرثره ويردد عليه لو اسألك عن اسم الصحابي الفلاني ولا المبشرين بالجنه كان ماعرفتهم

خلاص حفظو طبعه وصارو يمثلون الجهل قدامه عشان يتقون شره

بس اقول لك يا صاحبة الموضوع اتركي بناتك يتفرجون قدامكم على الاقل تشوفون اللي يشوفونه ويتعودون انه مافي اسرار

كثرة التشدد والمنع يدفع البنات والاولاد يمارسون رغباتهم بالسر من وراكم

والكل ذنبه على جنبه ماراح تدخلينهم الجنه بمنعك او اجبارهم على عدم التفرج على المسلسلات لان الاعمال بالنيات قدامكم يكونون مستقيم ووراكم يسوون اي شي بدون رقابه لانكم صنعتوا حواجز من المحرمات والممنوعات بينكم

ديري بالك تمنعينهم بالقوه ولا بيعاندون ويمشي الموضوع من وراك
زمانهم غير زماننا صعب تحكمينهم عندهم فضاء مفتوح

اول شي اشترطي عليهم انه يشوفون هالمسلسل بالصالة عندك على نظرك وشرط ما اتأثر على درجاتهم بالمدرسة وانه اذا نزلت درجاتكم مافي مسلسلات

ونبهي عليهم بنياتي صالحات لو تفتكون من هالمسلسل والله انه ابرك لكم وهالكلام

ولا تحاتين ترا اهيا فتره وتعدي بس لأنهم بالمدرسة وتلقين البنات يتكلمون عنهم طول الوقت والبنات يبون يركبون الموجه مع زميلاتهم

هالأشياء الان ماتقدرين تحرمين اولادك منها ان شلتي التلفزيون شافوها في الكمبيوتر وان سلتي الكمبيوتر شافوها في الجوال. زمن صعب ومستحيل تحطينهم في صندوق وتقفلين عليهم
لكن فيه حل واحد قوي علاقتك فيهم وتناقشوا فيكل الامور افتحي معهم حوارت حول هذي الامور وخلك ذكية في أسلوبك وطرحك لا تتحدينهم او تستفزينهم عشان يتشربون وجهة نظرك بسهولة بدون ممانعة ويتبنونها ( التحكم في المراهقين جدا سهل اذا عرفتي لهم) دايم وضحي لهم الصح من الخطاء وان الانسان يترك أشياء عشان ربه الخ الخ