وش تستحين اولا هذا شي واجب عليه ومشرووووع لحكمه وانفاق الزوج ع زوجته عمره ماكان صدقه ومن الحكمه تقبلها نفسيا والله بيعوضه عن انفاقه عليك وماجور على ذالك من الله يعني له حسنات وهذا يكفيه بتنفعه دنيا واخره وبيتبارك ماله اذا كان ينفق عن طيب نفس احسها مثاليه زايده او مصطنعه واقنعتي نفسك فيها والله لو كان مقصر او مايصرف عليك الا بالشي الشديد ضروره كان موضوعك تشكي وتدوري حل بالنسبه لي شي شرعه الله لي والله احلله لنفسي حتى لو توظفت احس ملزوم اخذ منه الميسر الحين ثلاث ارباع اللي هنا مو موظفات والحمدلله راضين احمدي ربك ان زوجك يصرف عليك وعازك ومو محوجك ل احد هذا ايضا رزق اعظم من الوظيفه اللي تدوريها ومقيمه حياتك عليها
الرزق مو شرط وظيفه في الصحه في السعاده في الابناء في وفي وفي كل حياتنا نعيم من الله تستحق الحمد والشكر والثناء عليه انظري للجانب الايجابي من حياتك واتركي التركيز ع جانب واحد يعني اللي بيعيشك بسعاده وتحسين بقيمت نفسك الوظيفه اطلبيها من الرزاق الله يفتح عليك
معليش بنات الوحده ماخذه الثنوي او المتوسط وتجي مدعمره متحمسه ومعصبه كاني قلت ما ادري ايش انا انسانه درست وتعبت على نفسي وشقيت ودورات وقلت مليون مرررررره تخصصي مطلووووووب مطلوب وبقوه ومعدلي تمام ف النهايه ماحصل ولا شي واصير حالي حال اللي اختصرت على نفسها المشوار ونامت لا كملت ولاغيره ذا ظلم وانا بوجهة نظري اشوف الوظيفه سند للوحده لا ولد ولا زوج ينفعون ف هالزمن وان نفعوني مصيرهم يوم يكبرون ويتركوني ويلتهون بحياتهم