إذا إللي ما يصلي ما يسير تعيشي معاه.. كيف إللي يسكر الله لا يبلانا؟!
ما يبغى لها تفكير ولا مشورة
هذا ممكن يسوي أي شي و هو مو بعقله
يقتلها ولا يسوي لها عاهه ولا حتى يبيع شرفه أعوذ بالله
مدري ليش من وقت ما عرفت المنتدى هذا و أنا كارهه الزواج و الحريم و سلبيتهم مع إني متجوزة الحمد لله و الله يرزق كل بنت تبغى الستر يارب و يسخّر لنا الأزواج الصالحين يارب
بس بجد لاحظت إنو الحرمة نفسها بتجيب المعاناة لنفسها و الدمار..
كل شي اصبري عليه
يسكر
يخمر
يضرب
ما يحترم
ما يصرف
مافي غير اصبري عليه
إللي عشان ما تتطلق و إللي عشان ما تبغى ترجع بيت أهلها و إللي عشان عيالها ما يتشردوا و إللي عشان بيتها ما يخرب
يا أمي البيت خربان من أصلو
و العيال أي تربية حيتربوها و أبوهم كذا من غير نفسياتهم إللي حتتدمر و إذا ما خربوا هما كمان
تاخذهم و تروح تعيش معاهم ف مكان نظيف و تربيهم مزبوط و يعيشوا متهنيين بلا وجع قلب
بكره تكبر تلاقي عيال صالحين يشيلوها و يقوموا فيها
أما لو بتقعد في البيئة هادي حتسير لا جوز عدل ولا حتى عيال
الواحد يعيش مره وحده.. ليش يعيشها بذل و مهانة و نكد
حتى ربنا ما قال كذا ولا يرضى و نهانا إننا نرمي نفسنا في التهلكة
على أساس يمكن يتعدل و يتغير و يمكن لا !!
الله يصلح أحوالنا و أزواجنا و ذرياتنا ولا يحمّلنا فوق طاقتنا يارب
بس من جد اتنرفزت من أغلب الردود السلبية هنا
لا وحده تجي دحين و تقول تفكير غربي و إني ب أدعو للخروج على الزوج و التمرد و الكلام الفاضي دا
هذاك شي و هذا شي ثاااااني!
اللي زوجها يسكر تفيدني والا كان يسكر وتركه
متابعة النقاش، صفحة 4