مدري احس مشاعري الحين بارده احس مو مصدقه الا لين مااشوف ورقتي قدامي وقتها الله العالم وش راح يصير فيني
امس نضحك ومبسوطين طلعنا للمول نتمشى ورحنا لمقهى وفتحت معه موضوع اخته قلت ابي اتفرج على سنابها وقال لي لا ، وكلمه مني وكلمه منه وعصبت وسبيته وسبيت اخته لاني انا شاكه انه فيه شي بينهم مااقدر اكتب التفاصيل لان المشرفات بيحذفونه اكيد بس بكتفي بكذا
المهم طلع من المقهى ولحقته ووداني للبيت دخلني للغرفه قال يابنت الناس انتي ماراح تعقلين ماراح تطلعين اختي من راسك قلت لا دامك انت ماراح تعقل انا بظل اجيب طاريها كل شوي بس لفيت وجهي بعلق عبايتي قال انتي طالق وطلع اليوم انا في البيت لحالي انا وولدي ماجاني امس نام برا البيت ويدور لي حجز عشان اهلي في مدينه ثانيه
مدري ليش ماحجز لي امس اول ماطلع ؟ حتى اليوم ارسلت له يقول شوي بحجز لك ويماطل في الحجز وش ناوي عليه ماادري
ايه امس يوم طلقني انا كنت حائض ومازلت حائض وسمعت انه مايقع الطلاق
ادعو لي الله يصبرني
الموضوع مغلق