زوجي والطلعه

بيتك فيه حوش؟ او سطح اذا فيه الحمد لله كل يوم جهزي شاي بسكوت كيك وقهوة واطلعي انتي وبَنَاتِك خليهم يلعبون ويركضون واذا فيه سيأكل ياسلام والعبي معهم خطة حبشة غميضة حريم. وبينبسطون
خلال هذي الفترة قوي قبل الفجر وصلي ركعتين واوتري وادعي ربك. لان أشكال زوجك مايقواهم الا ربهم وهو بيجي من نفسه يقول يالله نطلع

لا ياليت فيه حوش او سطح اي وربي مايقدرفيه الا الي خلقه المشكله ماعنده حساس ابد

اجل شوفي عندك مجلس او مقلط خليهم يلبسون وروحوا المجلس كل اليوم العزيمة على وحده تصب وتضيف وتسولفون وتتكلمون ممكن تتخيطون او تلونون وترسمون او تالفون قصص اشغليهم الين يفرجها ربي

من حق الزوج ان يحبس زوجته في منزله ما دام لم يكن هناكك ضرر عليهن لقوله صلى الله عليه وسلم في خطبة الوداع (ألا وستوصوا بالنساء خيرا فإنما هن عوان عندكم) ومعنى عوان بمعنى سجينات والعين هو الاسير وايضا قوله تعالى (وقرن في بيوتكن )وقوله صلى الله عليه وسلم(والمرأة راعية في بيت زوجها ومسؤولة عن رعيتها)لذلك خروجك للتنزه هو خروج لغير الضرورة وليس مثل خروجك لصلة الرحم او للعلاج

الله يسخرلي ويسخرلك ..نفس مشكلتي مع زوجي بس انا اصعب عنك شوي زوجي متزوج من 3 سنوات من زوحه ثانيه يطلعها ويسفرها وياخذ لها ..وانا وعيالي بالشهور والله ما نطلع من الشقه ..اخر مره هاوشته وطلبت الطلاق لاني شفته طلعها هي وبنتها وانا يسحب عليا كل ماطلبته طلعه او روحه لصديقاتي ..
هي حتتى جمعات زوجات اصحابه يوديها ..اللي كان لي وعيالي صار لها ..
وانا وعيالي ماعاد لنا ولاشي منه
الله يفرج همي وهمك