التجمع التاسع عشر لمواليد مايو & ويوليو

انا بالاسبوع ٣٣ بس بالاسبوع ٣١ جاني طلق ونوموني وخذت ابرة الرئه وابر توقف الطلق
والله يتمم يارب وادخل التاسع على خير

امين يارب خلج مرتاحه وان شاء الله تولدين بالتاسع

شوفي اعتقد الغذاء له تاثير على الرحم يلينه او يقسيه انا دكتورتي طلبت منها ملين عشتن الامساك قالت اي حاجه ملينه وتسبب اسهال تراهي تلين عضلات الرحم وتجيب الولاده فااجلي الموضوع للتاسع ولاحظي وقت عسر الدوره ناخد اعشاب و عسل ونرتب اكلنا ونمتنع عن الايس والغازيات عشان يرتخي عنق الرحم فما احنا خسرانين شي لو اخدنا هالملينات تغنينا باذن الله عن الطلق الصناعي وغيره

هاي شله🙋🙋
اخباركم وعلومكم
وحشتوني
انشغلت في الويكند واليوم كان عندي موعد رحت للدكتوه تقولي انت خلاص في التاسع😢😢
وتحليل الدم طلع ١٠ كويس يابنات والالا؟؟
وقالت لي سوي تخطيط نشوف نبضات البيبي وهل فيه طلق او لا لان راس البيبي تحت
وفين طلع التخطيط ياحلوييييين
😭😭😭😭
في قسم الولاده
قالت اطلعي الدور الثالث ومعي اوراقي وانا اللي اطلع ولاهمني احد واول ماوصلت مكتوب غرفة الولاده والحضانه اطالع يمين يسار الاتشوفني الممرضه قالت ايش عندك قلت تخطيط قالت هنا وتأشر على غرفة الولاده قلت لها يعني ادخل جوه؟؟؟😕😕😕
قالت ايوا بس استني عشره دقايق لان فيه ولاده قيصري تخلصها الدكتوره وتجيك
واجلس على الكنبات اللي جنب غرفة الولاده وجنبي حريم احسبهم مثلي ينتظرو دورهم اتاري اختهم تولد جوه طلعت لهم الممرضه قالت مبروووووك اختكم ولدت وقاامو يحضنو بعض ويبوسو بعض وجا ابوهم شايب وحضنوه وباسو راسه وجا اخوهم وزوج المريضه وانا اللي يجيني مغص من الخوف😭😭😭
وبنفس الوقت خنقتني العبره قلت يابختها افتكت😢😢
شويه طلعو النونو حقها يوووووه نص شبر 😂😂
وملبسينه بس حفاظه وجوة جهاز قزاز بيودوه الحضانه حتى مو باين بنت والا ولد
وانا مزهريه ع الكنبه اتفرج
شويه نادو اسمي ودخلت وجاتني ام الركب لان دخلت وحده قدامي عندها ولاده بغيت انحاش😭😭
الا الممرضه تمسكني من ظهري وتقولي هاه مدام خلاص الان انت داخله تولدي والالسه؟؟ والتفت عليها مفجوعه واقولها لا لا لسه لسه ايشبك انا تخطيط بس وعفته ماعاد ابغى تخطيطكم😭😭
ودخلوني غرفة الولاده سدحوني على السرير وحطو لي جهاز الطلق وجهاز نبض الجنين وانا مركزه معهم لايولدوني لان كل الوضع وضع ولاده الاجهزه وسكاكينهم ومقصاتهم
اتوقع اليوم نزل وزني كيلوين من الخرعه😢😢
وقالت كله تمام ومافيه طلق الحمدلله وانا اللي اخذ اوراقي وافحط خارجه من قسم الرعب 😭😭


هذا علمي وسلامتكم😢😢

لا تخافين انا اختي نزلت معها المشيمه لدرجه تنومت من السادس لحد الولاده طبعا حالتها عسره فا ولدت قيصري هدا في حملها الثالث ومن بعدها حملت عادي وولدت طبيعي وبعده ولادات قيصري بدون نزول مشيمه