مادري كيف اواسيك حاسه بكمية الألم اللي تحسين فيه
لاني مجربه حمل التوائم كله تعب نفسي وجسدي ومجربه الولاده المبكره فيهم وعارفه كمية القلق والتوتر النفسي اللي مريتي فيهم
شي طبيعي تحزنين عليهم لكن لايدخلك ابليس من مداخل ويوسوس لكويضيق صدرك انا احيانا يوسوس لي اني السبب في ولادتي المبكره بالرغم من اني منسدحه على السرير الى اليوم اللي ولدت فيه
فانتبهي ياختي لاتحاولين تفكرين بالبنات الله يجعلهم شفعاء لك حاولي تشغلين نفسك باي شي ثاني وابدي صفحه جديده من حياتك
وخيره لك انهم راحو لربهم يمكن لو عاشو بتتعذبين معاهم ربي يرزقك بالحمل السليم التام ويرزقك بالذريه الصالحه
فيه وحده جابت توائم ثلاثي وولدت ولاده مبكره مثلك وماتوا كلهم ومامرت عليها سنه الا وهي حامل بتوئم ثلاثي مره ثانيه واخذت يوم بالتاسع وولدتهم بصحه وعافيه
ووحده ثانيه ماتوا توائمها ببطنها في الشهر السادس بدون اي سبب وربي اكرمها بعد سبعه شهور بحمل التوائم مره ثانيه وجابت بالتاسع ونست اللي راح
فلا تيأسين ولاتضعفين فترة حزن طبيعيه وتعدي وربي يفرحك بشوفة ذريتك
ربي يشرح لك صدرك وييسر لك امرك ماراح انساك وبضل ادعي لك قلبي معاك
بنتي ماتت .. ادعوا لتوأمها ربي لايحرمني منها :(
متابعة النقاش، صفحة 11