شاركي في النقاش

سجلي الدخول لإضافة تعليق.

التعليقات

37
  1. @aandma_yshrk_alaml

    صاحبة الموضوع
    مرآحب
    وعليكم السلام ان شاء الله تحملين طبيعي يارب.. اول شي حاولي تنسين موضوع الحمل لان كثرت التفكير يأخر الحمل سبحان الله .. وثاني شي خلي زوجك يستخدم خلطة العسل اللي من محل وادي النحل او شوفي طريقتها بالنت و اشرو الاغراض و أخلطيها بنفسك اضمن م…
    اختي مراحب يعطيك العافيه
    سبق زوجي استخدم خلطة عسل لمده سنه وماحصل تحسن بس مادري المكونات اذا نفس اللي تقولين بمحل وادي النحل
    اذا ممكن تعطيني الخلطه اشوف مكوناتها ؟
    زوجي مشكلته زاد وزنه مع العسل الفترة الماضيه
    ان شاء الله ربي يكتب لنا الذرية طبيعي
    ويرزق كل محروم
  2. @amyr_althlam28

    عندما يشرق الأمل
    اهلين يعطيك العافية زوجي جرب خلطه عسل بس المكونات مختلفه شوي خلال سنه واللي صار النتيجة ماتحسن لكن زاد وزنه وصل ١٠٠ وزيادة سؤال : هل هذه الخلطه بالمكونات اللي ذكرتها احد جربها قبل وفادتها وكم نسبه التحسن ؟ وخلال كم الفترة ان شاء الله ويح…
    الوزن احيانا يكون له علاقة خليه ينزل وزنه ضروري
  3. @mrahb_6

    عندما يشرق الأمل
    اختي مراحب يعطيك العافيه سبق زوجي استخدم خلطة عسل لمده سنه وماحصل تحسن بس مادري المكونات اذا نفس اللي تقولين بمحل وادي النحل اذا ممكن تعطيني الخلطه اشوف مكوناتها ؟ زوجي مشكلته زاد وزنه مع العسل الفترة الماضيه ان شاء الله ربي يكتب لنا ال…
    هلا فيك
    الخلطه من وادي النحل الموظف نفسه هو اللي خلطه ..
  4. الله يفرج همك وهمي ويرزقنا بإسمه الأعظم الذي اذا دعي به أجاب


    بكون صادقة معك جداً
    انا مثلك سليمة وزوجي عنده مشاكل كثيره في السائل من حيث العدد والحركة والتشوهات الحمدلله على كل حال
    بلخص لك الرد في نقاط
    1- سالفة انه يتعالج ويصير السائل بيرفكت وتحملين طبيعي هذه اعجاز لايقدر عليه الا ربي وحده سبحانه يعني اسعي جاهده في تكرار العمليات لأنك تحتاجين مساعده قوية على الحمل وانتاج اجنة وحتى لو قلنا يراجع ويتعالج مو عشان نصل لمستوى الحمل الطبيعي لا لكن عشان يتحسن السائل وبكذا تتحسن الأجنه في التلقيح
    بمعنى الأمل موجود والله كريم لكن خلينا نتكلم بواقعيه وموضوعيه لاتضيعين نفسك وسنين عمرك على أمل هو يتعالج وبحمل طبيعي لا حاولي تاخذين كل الأسباب هو يعالج وانتً تعالجين وتسعون دايما لتكرار العمليات لين الله يكتب الفرج عالأقل عشان بكرة ماتندمين وتقولين ياليت وياليت


    2- لاتنظرين للحقن المجهري والانابيب على انها مصيبة وتعب وتنشيط وجهد لا .. انظري لها انها نعمة ورحمة من رحمات الله اللي ساعدت ملايين من الأسر انهم ينجبون وتخيلي لو نفس وضعنا بدون شي اسمه انابيب !!


    3- لازم تختارين استشاري له سمعه طيبه وشاطر وفاهم وانا شخصيا ارشح مستشفيات الرياض افضل مليون مره من الشرقية وفيه اسماء معروفه عالاقل يشخص صح ويحول زوجك لطبيب ذكوره يصرف له اللي يساعد




    حطي في بالك قناعة ومنهج وبترتاحين صدقيني
    انظري لكل شي نظرة رحمة وشكر وهونيها على نفسك وابذلي الاسباب قد ماتقدرين لكن بعد ماتفوضين امرك لله وحده وانتبهي يشغلك العلاج عن الدعاء والذكر والصدقه والرجاء
    صلي وابكي ابكي قد ماتقدرين ابكي وتذللي لله وحده وبمجرد ماتنتهين من الصلاه امسحي دموعك واضحكي وتفاءلي وانبسطي ولكل شيء حكمة صدقيني


    ان غيرنا يحملون بسهوله وبدون عناء وبدون هم ورجاء ودعاء لكن انتِ يصطفيك الله انه يأخر عليك هالنعمه وتدعين وترجين وتنقهرين وتبكين عل هذا كله هباء !!
    لما تراجعين مواعيد علاج ولحظات ألم ولحظات خوف وأيام من الهم وتستلمين بعد كل هذا التحليل ويطلع احيانا التحليل سلبي وتنزل دموعك وانت تحمدين الله هل هذا هباء !! هل مثلك مثل غيرك !! لاوالله
    بإذن الله انه خير عظيم وبإذن الله انها ظلال من الرحمة مانراها لكن الله يراها
    لاوالله ياختي مو هباء والدنيا كلها باللي فيها فانيه وأمرك كله خير انت ماتشوفينه لكنه بالفعل خيرر
    لك الحمد ربي على انك ربي
    لك الحمد ربي على مانعلم ومالا نعلم
    لك الحمد ربي عدد كل شيء

تابعي تجارب أخرى من هذا القسم.