بعد عشرين يوم من الخطوبة لم يتم تحديد موعد كتب الكتاب

شاكرة لك مرورك
دمتِ بخير

ممكن صح كلامك ينتظرون إجازة لابنهم
شاكرة لك تواجدك ومرورك اللطيف
دمتِ في حفظ الله ورعايته

أحنا عندنا اذا تمت الخطبة والقبول من الطرفين يتم تحديد يوم التحليل وكتب الكتاب
ولكن هذولي ماتصلوا ولا حددوا خصوصا بعد مانشرت ام الخاطب خطبتها لابنها مني وأحنا حتى ماسوينا تحليل اذا كنا نصلح لبعض او لا
بالعادة عندنا ينتشر الخبر بعد التحليل والعقد اقصد عندنا يعني جماعتنا
واليوم مر 21 يوم وبكرة 22 يوم من انتشار الخبر ومافي خبر من اهل الولد وبرضوا ماودي امي تكلم امه او ابوي يكلم ابوه أحس مو حلوة بحقي
وخصوصاً اتصالات من القريب والبعيد يسألون عن الملكة وحنا مانعرف وش نقول للناس والمشكلة بعضهم يحسبوننا نكذب يحسبون اننا عقدنا وبس والله

شاكرة لك مرورك والله يوفقك ويكتب لك الخير
دمتِ بخير

( بدري )
من عمرك :)
(ايشبكم مستعجلين ؟ )
أحنا مو مستعجلين ولكن كذا عاداتنا اذا صار قبول يصير كتب الكتاب والتحاليل ولكن على الاستعجال
الخاطب واهله مستعجلين أتصلت السبت الام تخطبني لولدها يوم الأثنين جاء ولدها وشافني يوم الثلاثاء أتصلت امه الظهر تقول الولد يبيها اعجبته وسالت عن رأي امي قالت نرد عليكم قريب الخميس ردت امي الله يحيكم وجو يوم الجمعة للخطبة رسمية جاء ابوه واخوانه واخواته وجابوا هدية ولبستني السلسال لين هناء تمام
يوم السبت من الظهر اتصالات من قرائبنا ومن ناس بعيدين وقريبين يباركون لامي طلع امه نشرت الخبر بالوتساب وقروبات الوتساب واتصلات وتبريكات ومتى العقد واللي يسأل عن التحاليل .....الخ كله هذا صار في ايام اعتقد انه اسرع خطبة , مر الحين 21 يوم وبكرة 22 يوم واحنا ننتظر اتصال منهم عشان نسوي التحليل اذا فيه توافق بيننا او لا
( وفي ناس بس يخطبوا و بعد شهور و ممكن سنه ثم يملكون مع الزواج بليله وحده )
كل ناس وعاداتهم وتقاليدهم
رأئيك اجلس مخطوبة سنة بس كذا كلام وبعد سنة لمن اعقد بيطلب الشيخ التحليل ولا سمح الله طلع التحليل مانصلح لبعض تضيع سنة واكثر من حياتي مخطوبة كلام عادي ؟؟ ولا الافضل احلل ولمن يصير كله اؤك ننشر الخبر ؟؟
أما ( وانتم بس ٢٠ يوم وتفركشون ؟ )
حنا للحين مافركشنا شيء
اما كلامك (يملكون ويتزوجون بليلة وحدة )
متى يتعرفون على بعض؟ متى يصير لهم مجال اخذ وعطى ؟؟ ....الخ
(تدري لو انا ام العريس اقول ابوها ما يطمن و اتراجع)
رأيك ووجهة نظرك تتراجعي او لا هذا شيء يرجع لك وعلى حسب عاداتكم وتقاليدكم , اساسا ما اعتقد تخطبي من ناس ماتعرفيهم
(الناس تبي تتعامل مع ناس هاديه راسيه بالها طويل )
أعتقد الانسان من حقه يعرف راسه من رجله , ماعتقد يجلس وينتظر بالشهور والسنوات مثل ماقلتِ ( ناس بس يخطبوا و بعد شهور و ممكن سنه ثم يملكون مع الزواج بليله وحده ) احنا ماعندنا كذا عندنا اللي يخطب لازم يعقد يعني يكتب الكتاب اما يخطب بس كلام وتمر شهور وسنين ماعندنا كذا بجماعتنا
(مو من كم يوم عفسوا كل شي )
مو كم يوم أحنا قربنا على الشهر ومافي خبر ولا تواصل منهم
وملاحظة لك احنا ماعفسنا شيء ولا سوينا شيء وباقي ننتظر
لو عفسنا او فركشنا مثل ما تفضلتي ماكان نزلت هذا الموضوع :)
وملاحظة بعد ثانية احنا مو ناس همج عشان نعفس كل شيء او نفركش كل شيء بهذي البساطة ولا احنا ناس عجولين وملهوفين احنا عندنا عادات وتقاليد وللأن بالنا طويل وننتظر نهاية الشهر
( هو كل ذا اللي سووه و باقي مو واثقين بالناس ؟ )
وش سووا؟ أعتقد تقدموا لخطبتي مثل كل الناس اللي تتقدم لخطبة بنات
وماعتقد هذا له علاقة بالثقة لان مواضيع الزواجات هي نصيب مالها علاقة بثقة وعدم ثقة
( اصبروا عليهم ٣ شهور بعدين يحق لكم تسالون )
احنا بنصبر هذا الشهر وبعدها ابوي بيكلمهم
اما نصبر 3 شهور ماعتقد لان ماعندنا كذا لازم يخطب يحلل يعقد كذا عاداتنا
شاكرة لك مرورك
دمتِ بخير

لا احنا عندنا هم يتصلون ويحددون الموعد
حتى قالت أم الخاطب انتظروا منا اتصال
وللحين ننتظر اتصالهم
شاكرة لك مرورك
دمتِ في حفظ الله ورعايته
تولان
(٢٠ يوم مرة قليل اصبروا شوي يمكن ناوين زواج في الصيف)
وش علاقة الزواج في العقد والتحليل ؟
يعني ننتظر مثلا الزواج بعد 8 شهور مثلا ننتظر 8 شهور وبعدين نروح نحلل ويطلع مانصلح لبعض ويتفركش كل شيء
من عاداتنا حنا انه اذا خطب الخاطب بعد اسبوع وحوله يحددون موعد التحليل و موعد العقد كتب الكتاب
(يعني لسه في وقت اذا مر شهرين يكلم ابوك الولد او أمك وتاخذ تفاصيل تقول نبغى نتكلم في تفاصيل الملكة والزواج عشان يمدي العروس تتجهز )
لسى ماكتبنا الكتاب عشان اتجهز وبعد لسى حتى ما حددوا المهر وبعد لسى ماسوينا التحليل ولا اي شيء كله بس كلام وعليهم هدية طقم ذهب وعطور فقط
وننتظر اتصالهم لتحديد الموعد للتحليل وكتب الكتاب
( مو على طول ترجيع هدايا وفك خطبلكن )
راح ننتظر نهاية هذا الشهر وبعدهاابوي يتصل وان شاء الله يصير الخير
( ناس طيبين لا تفرطون فيهم )
صحيح كلامك هم ناس طيبين جدا
شاكرة لك حضورك
دمتِ في حفظ الله ورعايته
العمريه 72
(كلام البنات في سالفة انكم مستعجلين انا معهم)
احنا مو مستعجلين ولكن عندنا اللي يخطب لازم يجي يحلل ويعقد وما ننشر الخبر الا لمن يكون كله تمام خصوصا لمن يكون نتيجة التحليل تمام ولكن اللي حصل معي انه انتشر الخبر وهو فقط كلام والاتصالات من الناس كل يوم واحنا ماعندنا جواب(لكنانا ملكتي كانت بعد خطبتي ب 4 شهور)
ماشاء الله الله يوفقك ويكتب لك السعادة يارب
( ولكن عندي علم عن التأخير و بين اهلي واهله تواصل)
انا عكسك ماعندنا علم وامي ماتبي تكلمهم تحس مو حلو بحقي

)وهذا المفروض مع اهلك حق .. مافيها شي لو امك كلمتها على اساس مثلاً تتطمن عليهم وكذا واكيد ام الزوج بتفك السبحه وتعطيها العلم الأكيد عن جدولهم(
امي ماتبي تتصل تقول مو حلوة بحقي وتقول نصبر بعد شوي ونشوف وش يصير (او ممكن فعلاً هم جالسين ينتظرونكم لأن العادات تختلف(
لا احنا اللي ننتظرهم وننتظر تتصل وتقول ان ولدها اخذ اجازة ونتظر متى موعد التحليل
ننتظر وان شاء الله خير
شاكرة لك تواجدك العطر
دمتِ في حفظ الله ورعايته .
طينة جنة
(انزين انتو بيوم الخطبة ما تكلمتو عن كتب الكتاب )
لا لو تكلمنا ماكان نزلت هذا الموضوع
تكلموا فقط ان الزواج يبونه في شوال وامي قالت لا صعبة شوال قالوا لها متى قالت في ذي القعدة او الحج وامه قالت تمام على خير ان شاء الله وبس
أخيرا أشكركم جميعاً
دمتم في حفظ الله ورعايته