فعلاً : الراتب لا يكفي الحاجه !!

مالقيت اعمق من هالعباره اللي تعبر عن وضعي الحالي ، من بداية زواجي وصارت مشكله لزوجي وبسبب هالمشكله تم ايقاف خدماته
كان يستلم راتب بمبلغ 4050 ريال وصار يستلم 2400 فقط والباقي موقف مايقدر ياخذه ، زبدة الكلام انه يجيب الراتب ويعطيني اياه بحجة انه "يطيّر الفلوس" ومستحيل تجلس معه اسبوع ..
فيقول خليها معك وسددي منها البقاله والمطعم والكهرب والباقي خليه معك لآخر الشهر يكفينا .. وانا يابنات والله ما افهم بسوالف الاقتصاد والحرص على الفلوس وكذا ..

اعطيكم مثال : الشهر اللي طاف البقاله كانت تبي مننا 945 ريال ، والمطعم 150 ريال والكهرب 200 ريال اشتراك النت كل شهر 300 .. باقي الفلوس مدري وين طارت

انا زيه احب افسفس الفلوس على خرابيط بس ماسكه نفسي ومانعتها من اشياء واااجد والله حتى كريم اليدين اتردد قبل لا اشتريه :(
وحطوا في بالكم ان زوجي مدخن يبي فلوس للدخان ويبي فلوس للبنزين ، واللي ابيه منكم قسموا لي الراتب بشكل مبسط يصير احافظ عليه قدر الامكان
كل وحده تحط نفسها مكاني وتعطيني رايها
وادعوا لنا ان الله يفرجها علينا ويرزقنا الرزق الحلال

46 تعليق 12,061 مشاهدة

شاركي في النقاش

سجلي الدخول لإضافة تعليق.

التعليقات

45
  1. صاحبة الموضوع
    حالياً من بداية الشهر وحنا طفرانييييين بمعنى الكلمه ، يتسلف فلوس الدخان من اخوياه .. والسبب اننا ماعرفنا كيف نقسم الفلوس ونحافظ عليها ! وغير كذا يبدا يلومني ويتحلطم ويزعل ويقول انتي السبب ماتعرفين تتصرفين وتمسكين الفلوس وووالخ .. نفسيتي تعبت زودن على الفقر هواش ☹️
    الله يعطيني على قد نيتي بس
  2. @antthrtk_olkn

    حبيبتي حساب البقالة كبير
    لاعاد تاخذين على الحساب
    كل بداية شهر روحي السوبر ماركت وجيبي الاشياء الاساسية رز سكر لحم دجاج خضار معلبات منظفات وكل شي لانه سعرها اوفر وارخص من البقالة


    ثانيا ليش اشتراك النت ب 300 شهريا غالي
    اجنا عندنا مودم واشتراكنا بالشهر 150


    المطعم احس لو مامعك قيمته تدفعين ماله داعي تاخذون ع الحساب الا للضرورة فقط
  3. @kl_shy_kthb

    اول ماينزل الراتب خذو من ابو جملة تكون ارخص من البقاالات خذو اكثر شي تستهلكوة الاجبان والمعلبات عبي المطبخ من الى خلاص تكفيكم لأخر الشهر فماراح يكون عليكم دين في البقالة لأن البقالة اغلى فبكذا توفرين وزوجك خلية يكد ع السيارة ولا يدور لة شغلة ثانية يوفر منها او ع الاقل يطلع حق مصروفة النت فية زين يكون الشهر ب150 الاشتراك كذا تكوني وفرتي 150

تابعي تجارب أخرى من هذا القسم.