بعد عشرين يوم من الخطوبة لم يتم تحديد موعد كتب الكتاب

عادي اصبري عليهم لان اكيد قاعدين يستعدون للملكه ولاتنسين عمله بمدينه ثانيه اصبرو شهرين ثلاثه بعدها عادي ابوك يتصل ويسالهم سبب التاخير
بس دام عطوك طقم معناته محجوزه لولدهم.

خلي امك تكالمهم متى يحبو يسون الملكة عشان تجهزون ومنها تجس نبضهم

وراك تهاوشينا ؟😔 تعبنا وحنا نرد نبي نهونها عليك
انتي قلتي انا اول وحده ولا أنتم متاكدين وكل واحد قال الي يعرف من عاداته
ليش تهاوشين وتعصبين

احسكم مره مستعجلين
انتظري انت وابوك الله يهديكم
تو الناس
وواضح انهم جادين من اسلوبهم في الخطبة والتلبيس والنشر
ويمكن ما يبون يستعجلون في الملكة بينتظرون شوي
ويمكن الزواج بيخلونه بعد رمضان بما انه قرب والافضل يكون بعده
واللحين يجهزون للولد وهو يرتب حاله

اختي برايي عاداتكم زي عاداتنا حنا يتصلون يجوون يشوفون اذا اعجبتهم البنت اتصلوا وقالوا نبيها وعلى طول تحليل ويجوون اهله يتقدمون رسمي وبعده تحدد الملكة وخلاص يخلص كل شيء بصراحة ماعندنا احد يجلس فترة عشرين يوم مايرد حتى لو اعطوا الاوكية اذا تاخروا ومافيه اتصال معناته خلاص هونوا ومايبون يكملون
بحاله وحده عندنا تجلس فتره لو محجرينها يعني حاجزينه وجايبين الطقم الذهب واتفقوا انهم بيملكون بعد كم شهر غيره لا


مو سالفة عجلة يابنات بس كل عايله لها عاداتها وتقاليدها مااعتقد من البديهي بيخطب واحد ويختفوون وانتظرهم 4شهور ولاخمسة شدعوى لو انه عنده ظرف ماجلس كل هالشهور كانوا على الاقل ملكوا وبس الباقي خلوه بعدين


طقم الذهب والعطور مو ضمان انهم يبون اللحين فيه يملكون ويعطون المهر ويردونهم ثانية كيف بس كلام خلونا واقعيين
انتظروهم بس هالشهر خلاص بعده ابوك يكلمهم اذا مافيه نصيب ماتدرين الخيره وين
ممكن لما انشروا للكل انهم خطبوا منكم فيه ناس اعرضت بناتهم عليهم وشافوهم انهم اجمل منك ويبونهم بعضهم كذا
او ناس مهنتها تخرب وقالوا لهم شتبون ببنت فلان الخ
بس 4شهور خير! لا تنتظرين اذا هم مااتصلوا واختفوا خير ولااخر رجل بهالدنيا
المكتوب بتاخذينه ولو بعد حين والخيرة فيما اختاره الله واذا فيه خير ربي بيسهله وبيكمل واذا لا فربي بيعوضك بالاحسن


انتي شكلك صغيرة وعصبية اخذي الدنيا بسهالة ورواق والله يوفقك ويسهل عليك يارب وتتزوجين بالزوج الصالح والجميع يارب


حاولي ماتحطين الزواج ببالك حتى لاسمح الله رفضوا ماتنصدمين او ياثر عليك وعلى نفسيتك لان العين حق بعد ماتدرين كان بعد انتشار الخبر احد حسدك او يبي الولد ويدعي ان ماتكمل هالخطبة الناس اللحين الاغلب صاروا نواياهم مو طيبة وتبي الخبر لنفسها وبس


شوفيني قدامك عمري37سنة واذا احد خطب وحطيت املي عليه بعد الله اختفى فجاءه بس اتصال بعد مو جووا الله المستعان