بعد عشرين يوم من الخطوبة لم يتم تحديد موعد كتب الكتاب

بس يااختي عندي بعد تعقيب دامهم مستعجلين ويبون بشوال ليش امك تقول بذي القعده اذا مستعجل الولد اكيد يبي العرس بدري مايبي متاخر واذا شوال حلو اكثر الزواجات بتكون فيه خصوصا هالسنة بماان العطلة برمضان وفالزواجات بشوال لان في كثار يدرسون وهالشهر بيكوون مناسب لهم اكثر
انا اعرف وحده من خطب منهم قال تراني مستعجل وابي بسرعة نتزوح قال ابوها طيب وملكوا وبعده ابوها قال لا خلنا نخليه بشهر كذا قال انا قايلك من خطبت ان ابيه بسرعه ومستعجل
ترى اذا الولد مستعجل مايبي يتاخر ابدا كيف لو قلت لا ابيه بكذا مو بالشهر اللي محددينه
ممكن ولدهم يبي يتزوج بسرعة ورافض ان يتاخر اكثر وكذا اختفوا يمكن يبون بنت ترضى بالشهر اللي يبونه هم

جوان89
( عادي اصبري عليهم لان اكيد قاعدين يستعدون للملكه)
اذا كلامك صح مفروض يعطونا خبر لان حفلة الملكة علينا يعني مفروض يعطونا خبر عشان نجهز
( ولاتنسين عمله بمدينه ثانيه اصبرو شهرين ثلاثه بعدها عادي ابوك يتصل ويسالهم سبب التاخير)
أي عمله نقلوه جدة , ابوي ملزم نهاية هذا الشهر لان ماعندنا خطبة تطول اكثر من شهر , واذا ما تصلوا بيكلمهم ويشوف وش يقولون وان شاء الله يصير الخير
(بس دام عطوك طقم معناته محجوزه لولدهم.)
أي صحيح كلامك ولكن برضوا عندنا مايصير شيء الا بنتيجة التحليل والعقد
شاكرة لك مرورك العطر
دمتِ بخير

ميووووسة22
( خلي امك تكالمهم متى يحبو يسون الملكة عشان تجهزون ومنها تجس نبضهم )
امي ماتبي تكلمهم تقول مو حلوة بحقي
شاكرة لك تعقيبك ربي يسعدك
دمتِ بخير

وراك تهاوشينا ؟😔
؟؟
وين هاوشتك؟
هذا كان ردي السابق لك
((تولان
(٢٠ يوم مرة قليل اصبروا شوي يمكن ناوين زواج في الصيف)
وش علاقة الزواج في العقد والتحليل ؟
يعني ننتظر مثلا الزواج بعد 8 شهور مثلا ننتظر 8 شهور وبعدين نروح نحلل ويطلع مانصلح لبعض ويتفركش كل شيء
من عاداتنا حنا انه اذا خطب الخاطب بعد اسبوع وحوله يحددون موعد التحليل و موعد العقد كتب الكتاب
(يعني لسه في وقت اذا مر شهرين يكلم ابوك الولد او أمك وتاخذ تفاصيل تقول نبغى نتكلم في تفاصيل الملكة والزواج عشان يمدي العروس تتجهز )
لسى ماكتبنا الكتاب عشان اتجهز وبعد لسى حتى ما حددوا المهر وبعد لسى ماسوينا التحليل ولا اي شيء كله بس كلام وعليهم هدية طقم ذهب وعطور فقط
وننتظر اتصالهم لتحديد الموعد للتحليل وكتب الكتاب
( مو على طول ترجيع هدايا وفك خطبلكن )
راح ننتظر نهاية هذا الشهر وبعدهاابوي يتصل وان شاء الله يصير الخير
( ناس طيبين لا تفرطون فيهم )
صحيح كلامك هم ناس طيبين جدا
شاكرة لك حضورك
دمتِ في حفظ الله ورعايته))
أعتقد من ردي هذا وضحت لك أمور كثيرة ومنها ما اتفقنا على المهر لسى ووضحت أيضا عن عاداتنا ووضحت ان المسألة خاصة بتحديد موعد التحليل وكتب الكتاب فقط ووضحت أن الخطبة فقط كلام من اهلي واهله وننتظر توثيق هذا الكلام بالعقد والتحليل ...الخ ما شوف فيه هواش او شيء يقلل من الأدب وخاصة ما اعرفك ولا تعرفيني والأفضل تردي علي بصيغة المفرد بدل تهاوشينا تهاوشيني .
) تعبنا وحنا نرد نبي نهونها عليك )
أنا مو في مصيبة عشان تهونيها علي 
(انتي قلتي انا اول وحده ولا أنتم متاكدين وكل واحد قال الي يعرف من عاداته )
انا قلت (((أنا اول شخص يتزوج من العائلة فلا اعلم هل هذا عادي التأخير ؟ وهل ما سيفعله والدي صحيح ؟ واريد اعرف ارائكم ووجهة نظركم ونصايحكم ؟ ))
ماقلت اننا مو متاكدين ولا غيره ولا قلت وش عاداتكم وتقاليدكم
قلت
أنا اول شخص يتزوج من العائلة فلا اعلم هل هذا عادي التأخير ؟ وهل ما سيفعله والدي صحيح ؟ واريد اعرف ارائكم ووجهة نظركم ونصايحكم ؟
(ليش تهاوشين وتعصبين)
انا ما هاوشت ولا عصبت لاني ارقى من كذا ولان مافي شيء يستدعي اني اعصب او اهاوش واذا حصل كان الان عضويتي محظورة ولا اعرف وش سبب كلامك هذا ؟!!
وخصوصا انه موضوع في موقع لا راح ولا جاء عشان اعصب او اتهاوش مثل ماتفضلتي
أخيراً شاكرة لك مرورك العضوة وحيدة بهالزمن اقري مشاركتها تقريبا قريبة من عاداتنا
دمتِ بخير

الجميلة ميار
(احسكم مره مستعجلين )
ما قلت نتزوج او نحدد موعد الزواج
الكلام على كتابة العقد والتحليل فقط
(انتظري انت وابوك الله يهديكم )
ننتظر على ايش؟
امين الله يهدينا ويهديك
(تو الناس
وواضح انهم جادين من اسلوبهم في الخطبة والتلبيس والنشر )
جادين من أي ناحية ؟ احنا حتى ماتفقنا على المهر ولا اتفقنا ولا على أي شيء فقط خطبوني كلام مع هدية ونشروا خبر الخطبة واختفوا
( ويمكن ما يبون يستعجلون في الملكة بينتظرون شوي )
احنا عندنا حفل الملكة على العروسة ولكن تحديد كتب الكتاب على اهل العريس يعني مفروض يتصلون نحلل ونعقد وبعدين احنا وهم نتفق على يوم حفلة الملكة
(ويمكن الزواج بيخلونه بعد رمضان بما انه قرب والافضل يكون بعده)
الدراسة في السعودية الى 20 رمضان وانا اخر سنة بالجامعة فصعب يكون بشوال
لان الام قالت تبيه بشوال وامي قالت لا بدري نخليه بذي القعدة او بالحج والام وافقت
(واللحين يجهزون للولد وهو يرتب حاله)
اوك يجهزون وحنا حتى لسى ماحللنا وهم مادفعوا مهر
شاكرة لك مرورك العطر
دمتِ في حفظ الله ورعايته


وحيدة بهالزمن
(اختي برايي عاداتكم زي عاداتنا حنا يتصلون يجوون يشوفون اذا اعجبتهم البنت اتصلوا وقالوا نبيها وعلى طول تحليل ويجوون اهله يتقدمون رسمي وبعده تحدد الملكة وخلاص يخلص كل شيء بصراحة ماعندنا احد يجلس فترة عشرين يوم مايرد حتى لو اعطوا الاوكية اذا تاخروا ومافيه اتصال معناته خلاص هونوا ومايبون يكملونبحاله وحده عندنا تجلس فتره لو محجرينها يعني حاجزينه وجايبين الطقم الذهب واتفقوا انهم بيملكون بعد كم شهر غيره لا)
صحيح احنا كذا بالضبط
(مو سالفة عجلة يابنات بس كل عايله لها عاداتها وتقاليدها مااعتقد من البديهي بيخطب واحد ويختفوون وانتظرهم 4شهور ولاخمسة شدعوى لو انه عنده ظرف ماجلس كل هالشهور كانوا على الاقل ملكوا وبس الباقي خلوه بعدين(
احنا مو عجولين ولا مستعجلين ولا همجين ولا من النوع اللي يعفس او يفركش مثل ما ذكروا بعض العضوات ولكن الام نشرت الخبر من غير أي شيء رسمي مفروض بعد النشر الخبر تخلي الامور رسمية وخصوصا انه ناس من كل مكان تتصل وتبارك على انه شيء رسمي ولمن تقول امي لبعض اللي يتصلون ما حللوا ولا عقدوا ما يصدقون
(طقم الذهب والعطور مو ضمان انهم يبون اللحين فيه يملكون ويعطون المهر ويردونهم ثانية كيف بس كلام خلونا واقعيين)
كلامك صحيح رغم انه احنا فقط كلام من غير الاتفاق على كل الاشياء مثل المهر السكن الوظيفة ...الخ يعني ماصار نقاشات كله اشياء سطحية
(انتظروهم بس هالشهر خلاص بعده ابوك يكلمهم اذا مافيه نصيب ماتدرين الخيره وين)
هو كذا اللي بيصير ننتظر نهاية الشهر هذا وبعدها الوالد يكلمهم والله يكتب اللي فيه الخير
(ممكن لما انشروا للكل انهم خطبوا منكم فيه ناس اعرضت بناتهم عليهم وشافوهم انهم اجمل منك ويبونهم بعضهم كذااو ناس مهنتها تخرب وقالوا لهم شتبون ببنت فلان الخبس 4شهور خير! لا تنتظرين اذا هم مااتصلوا واختفوا خير ولااخر رجل بهالدنيا)
أي فيه ناس عرضوا بناتهم على الام وحدة قالت لامي كذا وهذا واحد من الاسباب اللي ابوي يبي يتصل عشان يعرف أي باقي يبوني او لا يعني بالعربي نعرف راسنا من رجلنا .
(المكتوب بتاخذينه ولو بعد حين والخيرة فيما اختاره الله واذا فيه خير ربي بيسهله وبيكمل واذا لا فربي بيعوضك بالاحسن(
صحيح الخيرة فيما اختاره الله .
(انتي شكلك صغيرة وعصبية اخذي الدنيا بسهالة ورواق والله يوفقك ويسهل عليك يارب وتتزوجين بالزوج الصالح والجميع يارب(
انا اخر سنة جامعة وانا مو عصبية ممكن قلتِ عصبية عشان رد تولان اني اهاوش وعصبية ؟؟
مشكورة والله يوفقك ويسعدك
(حاولي ماتحطين الزواج ببالك حتى لاسمح الله رفضوا ماتنصدمين او ياثر عليك وعلى نفسيتك لان العين حق بعد ماتدرين كان بعد انتشار الخبر احد حسدك او يبي الولد ويدعي ان ماتكمل هالخطبة الناس اللحين الاغلب صاروا نواياهم مو طيبة وتبي الخبر لنفسها وبس(
لا مو حاطته في بالي والوضع عادي ولكن ننتظر منهم خبر اذا مافي نصيب معاهم ممكن يكون مع غيرهم
(شوفيني قدامك عمري37سنة واذا احد خطب وحطيت املي عليه بعد الله اختفى فجاءه بس اتصال بعد مو جووا الله المستعان)
العمر كله يارب والله بيرزقك بالافضل والله يجعل السعادة ماتفارقك
شاكرة لك ردك الذي انار متصفحي
دمتِ في حفظ الله ورعايته
وحيدة بهالزمن
(بس يااختي عندي بعد تعقيب دامهم مستعجلين ويبون بشوال ليش امك تقول بذي القعده اذا مستعجل الولد اكيد يبي العرس بدري مايبي متاخر)
لان أنا طالبة والدراسة الى 20 رمضان
وايضا بشهر شوال عندنا زواج بنت خالتي 4 شوال وزاج ولد عمي 25 شوال
وامي تبي مساحة تعارف بيني وبين الولد قبل الزواج
( واذا شوال حلو اكثر الزواجات بتكون فيه خصوصا هالسنة بماان العطلة برمضان وفالزواجات بشوال لان في كثار يدرسون وهالشهر بيكوون مناسب لهم اكثر)
رمضان هذي السنة دراسة وصح كلامك شوال بيكون زواجات مثل ماذكرت عندي زواجين من اقاربي بنت خالتي وولد عمي
وبعد يكون في وقت عشان امي تجهزني ووقت اتعرف على الولد وزي كذا يعني وبس والله J .
(انا اعرف وحده من خطب منهم قال تراني مستعجل وابي بسرعة نتزوح قال ابوها طيب وملكوا وبعده ابوها قال لا خلنا نخليه بشهر كذا قال انا قايلك من خطبت ان ابيه بسرعه ومستعجلترى اذا الولد مستعجل مايبي يتاخر ابدا كيف لو قلت لا ابيه بكذا مو بالشهر اللي محددينه)
امه وافقت لمن امي قالت لها وقالت ان شاء الله على خير وبس
(ممكن ولدهم يبي يتزوج بسرعة ورافض ان يتاخر اكثر وكذا اختفوا يمكن يبون بنت ترضى بالشهر اللي يبونه هم)
طيب يتصلون يقولون عشان نفهم مو يخلونا كذا
هم حتى ماتكلموا عن المهر ولا السكن ...الخ
شاكرة لك مرورك
اسعدني جدا كلامك خصوصا انه عادتكم قريبة جدا من عاداتنا
شكرة لك مرة اخرى
كوني بخير