فضفضه 💔

اذكري الله واحمديه على النعمه اللي انتي فيها
لا يلعب بك الشيطان ..
وضعك افضل من كثير ممن فقدوا عيالهم دفعه وحده وفرص الانجاب صارت شبه مستحيله !
احمدي الله واكثري من الشكر وثقي ربي بيجبر قلبك ويعوضك خير

وش دخل زوجك تنفصلين عنه
صارو الحريم مخهم رايح شمال
اللي زوجها مسفل فيها ولاعن جدفها تقولك احوبه وماابغى اتطلق منه
واللي عايشة مع زوجها بسلام واي شغلة تصيرلها وحتى لو هو ماله دخل بيها تقولك ابغى اتطلق منه
اذا نفسيتك تعبانة من اللي صارلك
فتراه ابنه زي ماهو ابنك واكيد زعل عليه مثلك واكثر
وكمان بيكون شفيع لكم
وبدل ماتفكري بالانفصال
كان الاولى تروحي لدكتورتك وتشوفي سبب ضعف قلب ولدك
هل هو طبيعي والا فيه شي
وبعدها خذي بالاسباب والتوكل على الله
وخلي املك بالله كبير
وان شاءالله ربي يرزقك بغيره

انتبهي على نفسك اختي انتي في حالة اكتئاب من فقد ابنك وممكن تطور الحالة اذا سمحتي لنفسك.
نصيحتي عزيزتي اذا تشوفين انك تعبانة وتجيك افكار سيئة اولاً قاوميها وتغلبي عليها واذهبي لطبيب نفسي حتى لاتتطور حالتك .
والحمدلله يارب عندك بنتين انجبتيهم بدون مشاكل لكن هذا ابتلاء من ربي وعليك بالصبر والاحتساب , ولاتعطين نفسك مجال للخوف انتي سليمة لكن هذا امر ربي.
المهم لاتهملين نفسك.

في أشياء اصعب من موتة الطفل مثل بنتي مثلا كانت ولدتها صعبة وصار لها شلل دماغي عمرها سنتين ماتتحرك الحمدالله على كل حال هذا قدر باْذن الله الجي أحسن

الله يعوضك خير عزيزتي
احسك مكبره الموضوع حبتين .. ما انكر تعبك خلال التسع شهور والام الولاده اضيفي الى ذلك فقدان ضناك .. لكن قضاء الله وقدره
تخيلي اختي عمرها 49 ومات لها اربع اولاد كلهم على عمر شهور .. وكمان ماتت لها بنت عمرها ثلاث شهور
وما شفتها بيوم متضايقه او متكدره لا بالعكس راااضيه تمام الرضا بقضاء الله .. وتخيلي للحين مع عمرها الكبير نوعا ما تحاول انها تحمل وتشوف اولادها ومافكرت ابدا انها تنفصل عن زوجها اطلاااقا
بالتوفيق وتيسير الامور عزيزتي ..