متى يشبع زوجي بزوجته الثانيه

الله يعينك
ترا فتره و بتعدي بمجرد تنشغل بالبزران بيصير بيتها زي بيتك
واللي عندها عندك
طنشيه و عيشي لنفسك و عيالك لمن ما يكون عندك
ولمن يجيك الله يحيه

الله يشرح صدرك ياعسل حبيبتي صلي واستغفري كثير
هو دوبه عريس طولي بالك شوي ومصيره بيجيك
انا ضد اللي تقول لاتعطينه وجه لابالعكس اذا جاك كملي خقوقه وتزبطي له ودلعيه مثل قبل يعني خليك زي منتي قبل لانه اذا لقاك منتي مهتمه فيه ولا تدلعينه بيقارن بينكم وبيقول اشوى اني تزوجت انا اقول لدام مابينكم مشاكل خليك طيبه ومحترمه معاه
هو هارف انك زعلانه بس لاتطرين الحرمه الثانيه ابدا لازين ولا شين
ووحده الله يهديها تقول اعتبري نفسك مطلقه لايااختي هي ع عرشها مصيره يجيها وهذيك بتطلع ع حقيقته

ايه كلامك صحيح انا مسويه نفس كلامك لاكن خربتها الليلة زعلت عليه لان راح عندها في يومي مرتين اليوم لان الدورة عندي وزعلت ماقدرت اسكت وقلت له وصار بينا شوية زعل ونام زعلان وبكره بيروح لها
ومشكلتي طلعت كل اللي في قلبي وعرفت نقطة ضعفي وقال حلوو عرفت اللي يزعلك
ندمت تمنيت ٱني سكت

سويت كذا قبل وكنت مبسوطة ومرتاحه لكن بعد ماراح عندها الليلة في يومي زعلت ماقدرت اسكت

انقهرت مره
حتى من اهله انبسطوا بعد ما شافوا ولدهم سعيد يحسبوني انا الهم

احترت اتأسف منه وإلا اخليه ؟!