طليقة زوجي 💔

وعليكم السلام ورحمة الله وبركاته

الله يعينك يالغاليه ويوفقك لما يحبه ويرضاه
حاولي تكثرين من الاستغفار بنية ان الله يبعد عنكم كل مكروه من كل حاسد حولكم
ودايم بعد كل صلاه استودعي الله نفسك وجنينك وزوجك

واذا على عيال زوجك وحوستهم وشقاهم وتعبك معهم
اول شي احتسبي الأجر من الله سبحانه
وثاني شي حاولي تكونين مرتاحة البال ولاتعكرين مزاجك بسبب حركاتهم او شقاهم
سوي نفسك ان الامر عاااادي ولاترتبين وراهم وولاشي
اذا شفتيهم خلصوا من حوستهم قوليلهم يلا حبايبي الشاطر اسرع واحد يرتب مكانه اعطيه هديه يلا 1-2-3 ابدوا
وصدقيني علطول بيرتبون لك المكان
ثم اعطيهم اي شي متوفر عندك
حلويات او كاكاو او فشار او فلوس

وبعدين لا راحوا
وجاء زوجك بوسي راسه وقوليله حبيبي ياتاج راسي بقول لك شي
انت تعرف ان انت وانا فرحانين بهالحمل اللهم لك الحمد وانا من اقل الأشياء اتعب
وياقلبي حبايبي لا جو اللي هم عيالك يبغون احد ينتبه لهم وانا يالله انتبه لنفسي اخاف يطيحون او يتعورون وماابي اي شي يضرهم او يضر طفلنا ((وفي هاللحظه امسكي يديه وحطيها على بطنك وكملي كلامك ويدينك ويديه على بطنك لاتشيلنهم وعيونك بعيونه وناظريه بحنان وقولي )))
وانا فرحانه اني احمل قطعه منك في بطني ولا ابغى هالقطعه تنضر بأي شي
ياحياة "فلانه" ودي لا بغوا يجون الحلوين لك
حاول تاخذهم عند جدتهم وعماتهم بحيث انت وهن تنبسطون معهم وهم ينبسطون معكم وترجعهم لأمهم
لأن الأطفال يحتاجون امهم اكثر من حاجتهم لأي احد

وان شاء الله يابعد عمري ياراس مالي لا ولدت انا بالسلامه يجون عندنا ببيتنا علشان وقتها اقدر انتبه لهم ولا يضرهم شي ولا انا اضر طفلي بملاحقتهم
لأني وقتها اكون خفيفه مو مثل يوم كنت حامل ثقيله ولا اقدر اسوي شي واتعب علطول



{{{سوي كل هالشي ياقلبي ولك الأجر
منها تكسبين رضا ربك سبحانه وهذا اهم شي و
منها كسبتي زوجك وجنينك ان شاء الله على خير
وكسبتي اجر بهالأطفال اللي مالهم ذنب بسبب الطلاق }}}


وأسأل الله الحي القيوم ان يحفظ لك جنينك بأتم صحه وعافيه ويقر عيونكم بشوفته يااارب
ويعينك ويبعد عنك كل شخص يدور المضره والنكد لك


[[ولاتنسيني من دعاءك حبيبتي ان الله يتمم حملي ويرزقني بالولاده الطبيعيه ويسخر لي زوجي واهله ]]

والله كلامك يريح القلب هو متفهم هذا اللشي بس مستحي من عياله يقول لهم لا شكلي بقول له كذا وان شاء الله تجي نتيجه معاه

بس قيسي على ذي الحاجات نفس المواضيع سوت اشياء اكككثر من كذا انا طفشت منها هي والله يشهد مِو من عياله من حركاتها هي ابيها هي اللي تتوقف عند حدها

كلمي زوجك اذا اتصلوا عليه يروح ياخذهم يمشيهم شوي ويوديهم حديقه ويشتري لهم سناك ويرجعهم لامهم ولا باقي يطبون بيتك وكله كم مره وتهجد ولا يقلهم يوصلون لها كلام انه بياخذهم على طول ولاعاد بيرجعون عندها ممكن تخاف وتخف من كيدها
على العموم اذا زوجك باقي جابهم اجلسي في غرفتك وسكري عليك حتى يروحون ولا تخدمينهم ولا تدرسينهم طالما ان هدفهم تخريب حياتك

انا فاهمتك ياقلبي
علشان كذا قلتلك خلي زوجك اول مايتصلون عليه عياله يطلبون منه يجي ياخذهم
اذا راح واخذهم لايجي لبيتك علطول خليه
طوالي يروح لبيت جدتهم اللي هي ام زوجك من غير لا يمر بيتك ويقعد معهم لحد فترة الآذان
مثلاً اخذهم العصر يقعد معهم لحد آذان المغرب ويرجعهم لبيت امهم وطبعاً وهو بالطريق لبيت امهم يشتري لهم شي من البقاله ويقولهم اني بروح للمسجد بصلي المغرب وبعد اسبوع اجي اخذكم ومن هالكلام الحلو اللي يحبونه الاطفال ويصدقونه
وبعدها يجيك
وعلى هالحال
وصدقيني وربي بتشوفين ان ام الاطفال بتمل وبتعرف انكم فاهمين حركاتها وانها ماهمتكم


وشوفي حبيبتي اذا ودك بنصيحتي وودك بالراحه التامه النفسيه والجسديه والعقلية انك
اول شي تسوينه الحين
احذفـــي البرنامج اللي تقولين ان فيه قروب العايله
وربي بترتاحين راحه مو معقوله

واذا ودك تتواصلين مع زوجك وقت ماتكونين عند اهلك
حطي برنامج خاص فيك وفيه فقط
وقوليله اني ماابغى احد يعرف هالبرنامج لأني حاطته علشانك وقت مااكون عند اهلي اراسلك او وقت الحاجه

ودايم اقري اورادك
ولاتنسين بعد اذكار الصباح والمساء

ودايم ادعي لها بالهدايه وان الله يشغلها بنفسها


واهم شي حياتك الخااااصه في بيتك او حتى لو شي عادي بينك وبين زوجك موقف مضحك او محرج
او طلعاتك لسوق لمنتزهات لاتتكلمين فيها عند اهل زوجك
دام لهم علاقه فيها خلي صمتك اكثر شي فيك
مو معناته ماتسولفين معهم لا حبيبتي سولفي بس خارج نطاق حياتك كللللش