ابشرك حيتزوج عليك

يبون المرة روبوت والا الة
الله مايكلفك فوق طاقتك
سوي له اللي يبيه و اهتمي فيه و دلعيه وابسطيه باللي تقدر نفسك عليه
لاتعطين اكبر من حجمه عشان ماتنصدمين بيوم

البالون اذا نفختيه بقوة ينفجر بوجهك!

دخيل الله 26 صفحة و90% من الردود مبين ما يسلمون على أزواجهم ولا يستقبلونهم ّ!!! أنا مصدومة !!!
بغض النظر عن التعدد وهالشيء سبب للتعدد .. بس إذا 90 % من الحريم ما يستقبلون أزواجهم ولا يهتمون في دخولهم وخروجهم من البيت ويقولون سلامات فندق ويقولون نوع من العبودية .. فمعناته 90 % من الحريم فيهم اهمال نفسي لأزواجهم !


أنا أقول إن استقبال الزوج وتوديعه من حسن التبعل وهو عندي مهم بمثل أهمية انه يشوفني جميلة .. أحب إذا كان جاي من برا أنتظره أو أقوم من قعدتي وهو داخل علي .. أسلم عليه وآخذ اللي في ايده وأحيانا أرفع عقاله بعد وغترته ..
ومن المهم إن لو جاي من حر أجيب له عصير .. أو ماي .. ولو جاي من برد أجهز شيء دافي ..
ومهم عيالي قدامي يبوسون راسه وايده ويسلمون عليه ولو بغى يروح يودعونه على الباب ويقولون له الله يوفقك ويحفظ أبوي ..


ما أسوي هالشيء لأنه عبدة للرجل .. ولا خوفا إنه يتزوج .. بس هذا من حسن التبعل .. من حسن تقدير الانسان اللي أحبه .. من باب يحس بالراحة إذا دخل البيت ..


طبعا كل وحدة تحس زوجها يستاهل بتعامله معامله خاصة شيوخية .. واللي تحس ان زوجها ما يستاهل كيفها تعامله بما يستحق .. والمعاملة الطيبة والرفق واللين يزينون الشيء ويحلونه .. ويرفعون من مكانة الزوجة عند زوجها العاقل الفاهم الحقاني ..

والله يالغلا نستقبله اذا جا من عمله يكفي انه تعبان عشاننا ونودعه الصباح بعد مايكون فطر وشرب قهوته ومعودين اطفالنا يستقبلو ابوهم ببوسه على اليد وعلى الراس
ونسوي كل شي طيب بس مو نحط هالشي اذا ماصار عذر للزواج الثاني وانه اهمال من الزوجه
مو لازم نكتب تقرير مفصل عن حياتنا مافيه وحده ماتعرف تهتم بزوجها وتدلعه وتهتم ببيتها الردود كانت عن سبب زواج الرجل من ثانيه هو اهمال الاولى وهذا غلط كلمة الحق لازم تنقال هذا هو اعتراضنا وحتى اللي كاتبه ليه استقبله مايستقبلني او انا في فندق او او صدقيني مهتمات بازواجهم من كل النواحي لكن استفزهم السبب اللي انذكر لااقل ولااكثر وذكرو انهم مو الات الا مايجي يوم الزوجه تمرض تتعب تبغى كلمه حلوه خلاص كفرت اذاصار هالشي وصارت مهمله وعذر للزواج الثاني؟؟؟

بالضبط لكن أنا ثلا كتبت اني استقبله وإن هذا الشيء ماله علاقه بالزواج والتعدد .. والله مافيه أي ضمان يمنع التعدد أبدا .. لكن كان مكن ينقال بدون الهجوم على استقبال الزوج .. اللي تقول فندق واللي تقول الحرمة بشر تتعب تستقبل .. و غيره

لاصدقيني ردة فعل لااقل ولااكثر لانها كاتبه مااستقبلتيه بيروح يتزوج 😅😅
بالعقل مانربط زواج الرجل من ثانيه باي امر للاولى خلاص اكتبي فطره حب تغيير شفاحه اي شي بس ماتكتبي راح يتزوج عشان الاولى مهمله يعني عذر التعدد والزواج من ثانيه انه سبب من الاولى وعيب فيها هذه خلاص بطلوها صارت موضه قديمه بس عذر عشان يعرفو ايش سبب الزواج
وعجبني واحد راح يخطب وحده زوجه ثانيه وزوجته الاولى رضت بالامر الواقع ولما سالوه عن سبب زواجه قالهم والله سبب زواجي ماهو تقصير من ام عيالي ولاعيب فيها ولامرض
لكن انا رجل حاب اطبق شرع الله واعدد واتزوج السبب من نفسي ماله علاقه بزوجتي مادور عذر وكذب عشان يوافقو عليه ويكسر خاطرهم