اخوي بيهدم بيته والسبب.....

والله هي بنعمه بس ماتفهم
الرجل اللي يسعى ويشتغل ويطور من وضعه افضل من اللي متكين بالاستراحات ولا مفتحين اذانيهم لهروج الحريم ،،، خليها تصحصح وتتتركه بحاله ،،، انا انكتمت وانا اقرا كيف هو ،،، انسانه كثيرة الجدال ومستفزه ،،، ترا اللي اقوله نصح ماهو سب هي طلبت رأينا وهذا هو رأيي ،، واتمنى انها تصحصح لنفسهاا

تغير من نفسها واسلوبها ،تفكر وتستشير ،فيه استشاريات اسريات كثير وخاصه نوره الصفيري او الدكتوره سميه الناصر،يعني زوجها يحب الشغل ولاقي نفسه فيه فهي المفروض تجذبه للبيت بإسلوب ذكي تغير في البيت وفي نفسها تعرف وش اللي يحبه زوجها وتسويه، طبعا. قبل ذا كله تنشغل بنفسها وتطور من مهاراتها واسلوبها وتحط المحور الاول نفسها وبعدين اولادها وهو ،اذا شافها مشغوله عنه بيدور عليها

صح اهماله لهم بدون قصد متعب شوي بس إسأليها .. هل تفضل ان تعيش هي وعيالها معززين ومكرمين وكل شي ملبى لهم ويشوفونه بالقطارة !! أو تعيش هي وعيالها ومايشوفونه نهائي وتتطلق والله اعلم وش بيصير فيها بعد الطلاق !
الله لايجيب الطلاق بس اذا جلست كذا اكيد بتنتهي به !
عيشتها بتكون حلوه لو اشغلت نفسها بعيالها وتطوير نفسها .. خلاص هي في الحالتين ماتشوفه بس وهي متزوجه ومعاه اقل شي يجتمعون بوقت حتى لو قصير أحسن من انه ماعاد تشوفه نهائي ..
واضح شخصيته عملي وصعب يتغير ... الله يفرج همها .

ماشوف فيه مشكلة...!
الحمدلله ماسافر لأشياء مو كويسة ولا قضى وقته مع أصحابه ولا صرف فلوسه على ناس غيرها..!
نصيحه لا تجيب النكد لنفسها مادامه يسمح لها تطلع وتروح لأهلها كل أسبوع سفر ومو مقصر بشيء فخلاص..
لا تربط سعادتها بوجوده.. الحمدلله هي بصحه وعافيه هي وعيالها وعندها فلوس هذي من أكبر النعم.

كل الرجال يشتغلون بعدين وش ذا الشركة اللي فاتحة لين ١١ فالليل !
تشتغل او تشغل نفسها وتنبسط مع عيالها وتطلع معهم دام كل شي متوفر لها ابثرت الرجال اقعد معنا اقعد معنا لين هج