متى تنسون؟!

السلام عليكم و رحمة الله و بركاته
ي بنات انا من شهر تقريباً صار لي موقفين وقفت لي قلبي و في كلا الموقفين بغيت اخسر بنتي و كلها كانت بنفس اليوم و من وقتها ي بنات مو قادرة انسى و لا قادرة اسامح نفسي و لا قادرة انام بس احلم باللي صار و ونومي مقطع كل شوية اقوم اطل على بنتي


الموقف الاول صحيت الظهر و بنتي كانت نايمة قلت فرصة اجهز الغداء و اغسل ملابسها و اخلص كم شغلة بيدي فجأة ي بنات حسيت قلبي يوجعني وكأنو فيه شي صاير رحت جري للغرفة الا بنتي ساحبة البطانية حقتي عليها و مالها صوت سحبت البطانية الا البنت مو معاي عيونها شاخصه و وجها احمر و معرقه كأن احد كب عليها موية اخذت وصرت اصرخ لاني لحالي زوجي في الدوام احركها مافي اي ردة فعل منها قمت دخلت انا و اياها تحت الدش فجأة الا البنت تصرخ و بكت زي اول ما طلعت من بطني ضميتها وجلست بالبانيو وجلست ابكي جاء زوجي انفجع من المنظر وخاصة انه شافني ابكي وهيه تبكي اخذها مني و يسال وش فيه وش صاير و انا اقول له السالفة و اشاهق اخذني بحضنه و صار يهديني و بعدين قعد يلوم و انو كم مرة قلت لك خليها في سريرها وما ادري وش




الموقف الثاني كان الساعة 2 بالليل خليتها تلعب ورحت دورة المياة و انتو بالكرامة جيت لقيت البنت ترافس بدون صوت اول ما رفعتها حسيت فيها شي فتحت فمها لقيتها بالعة منديل كامل دخلته بفمها و نشب بحلقها و كل ما سحبته يتقطع و انا ابكي و انادي على زوجي اخذها وصار يشربها موية مافي فايدة قمت دخلت اصباعي بحلقها لين استفرغت و لما سمعت تبكي انا انهرت و من يومها زوجي بس يلومني وربي انا عارفة غلطتي بس ما عاد اتحمل اللوم انا خلقة مو قادرة انسى


و امي تقول كذا همه الاطفال ملاقيف و تحاول تخفف عني بس انا صرت طول الوقت خايفة وش الحل مع حالتي

12 تعليق 1,329 مشاهدة

شاركي في النقاش

سجلي الدخول لإضافة تعليق.

التعليقات

12
  1. @am_aaboooood_1

    فعلا في مواقف ما تتنسي بس خلاص انتي تتفاهمي مع زوجك أنه خلاص لا عاد يلومك ومع الأيام بتنسي يا كم حصلت لنا مواقف الأطفال معرضين للحوادث لازم تحرصي وممكن تنوميها وقت ما تطبخي وعليك وعلى الأذكار واستودعيها الله وارفعي الحاجات الصغيره
  2. @amany_61

    امس بس ولدي ماادري من فين كاسر لي قطعه خشبه ويحوس فيها بفمه وقف قلبي
    لكن انا اشوي قلبي قوي
    يحزني اذا وسخ ويبيني اغير له يصير يلحقني بكل مكان ويبكي زي المقهور على نفسه وهو صغير دوبه سنه وحبه مايتكلم ولا يعرف يعبر لي
    ومره كان صغير يادوب ٤ شهور حتى ما يقلب صح كان بسريره ومنزلته مفتوح على سريري اغير له ونسيت شغله ماجبتها رحت الغرفه الثانيه دقيقه واسمعه زاد البكي مالحقت عليه الا انقلب وانحشر بين سريره وسريرنا وهو بس بالحفاظه حملته وانا ميته خوف ماادري وش بشوف دم والا وشو بس الحمدلله
    الاطفال يبي لهم حذر شديد جدا لازم تنتبهي ان مافي شي ممكن يوصلو له او يحطوه بفمهم
    انتبهي لاي مكان في كهرب او شواحن
    حطيها بجلاسه او مشايه او حباسه وقت اللي تكوني بعيده عنها
    ارفعي كل شي عنها بحيث ماتقدو توصل لها
    انتبهي من الفرن والغاز والبخور واي شي حار
    حطي لها العاب شغليها اذا بتروحي دوره المياه
    بعض الامور اذا بتطولي فيها لا تسويها الا اذا زوجك بالبيت
    وحطيها بسريرها اذا نايمه احسن واسلم لها
    واخيرا قوي قلبك الجاي اعظم طفل يتحرك ويبي يكتشف ويلعب ويتقلب

تابعي تجارب أخرى من هذا القسم.