ليله زواجي

موقف لا تحسدين عليه
الحمدلله جات على كذا

انا اول ليلة زواج دخلت الحمام بعد مااختي الكبيره لبستني قميص النوم ونادت زوجي توصيه علي جاتني فرصة ودخلت الحمام وقفلت الباب علي وبدات اتعب ومت حر وجوع وهو كل شوي يقول اطلعي من الحمام مو زين وانا ارفض اربع ساعات حابسة نفسي مت ويوم طلعت بعد ماتعبت مكياجي ساح على وجهي وحالتي حاله قام هاوشني قال مو زين جلسة الحمام
وموقف ثاني ثاني يوم زواج لابسه حق اول زياره لاهله فيتان شبه منفوش وكعب عالي وبدل مايوديني لاهله قال بوديك مكان يجنن وداني البر عند غنم ابوه وكل مادخلنا بالبر السيارة تنطنط وخرب كل الكشخة الي مسويته وانا ابكي وينزلني بكعبي عشان اسلم على ابوه ويوريني الغنم وليومك كل ماتذكرت الموقف ابكي وهو يضحك يقول اتحداكي احد سوا مثلي بدل مايمشيك مطعم وداك للبر والغنم

يوم زوااجي ضاعت طرحتي بالمشغل
لبست شرشف صلاه لين وصلت القصر وجابوا لي طرحه كنت متفشلللله

يا حلو الموضوع يهبل

الله يسعدكم جميعا

أنا الموقف اللي زعلني وياليت أنساه ..
زوجي أول ماوصلنا وشال بشته بيعلقه بالدولاب
وأنا فرحانة ومستحية بنفس الوقت وبقمة جمالي وكنت صغيرة مرة (١٧سنة )
قال ( هذا بشتي بعلقه أحتفظ به لزواجي الثاني)
حططططططمني😩