الــــتبــــــــ9ـــــــــاشير لمواليد مــــــ3ــــــارس وابريـــــ4ــل2017

معناه يجننن اسم بنتك 👍🏻💕
انا يشدني المعنى جدا وممكن اتعلق ب اسم بسبب المعنى
ايوا عناد فيا ينطقوه رايف لو ابغاه يتنطق رايف كان سجلتو ب الياء
الله المستعان 😂

ههههههههههه ربي يسعدك ويحفظ لكم عيالكم

امين يارب

مساء الخير
الله يسهل ولادتكم جميعا
وللي ولدوا مبروك يتربوا بعزكم يارب
انا متابعتكم من التباشير ٦
وقلبي معاكم
ادخل اشوف مين ولدت واتابع الاكشنات
وقلت خليني اشارككم كم شغله واكشن الولاده مره وحده
انا ولدت قبل امس الحمدلله
نفسكم كنت احس بثقل وتعب وادور اي شي ممكن يسهل ولادتي
لكن للامانه ماجربت اي شي
سمعت ان بعضها ماينفع نستخدمها والرحم مقفل
فقلت بلاش
لكن الشي الوحيد اللي جربته اناناس مع كيوي
كل يوم اشرب كاستين
ومره سويت كوب حليب بسبع تمرات وطحنتهم وصفيتهم وشربتهم
لكن في يوم ولادتي وبعد ماصليت الفجر قلت ي بنت اقرأي ورد الولاده اللي ذكرتوه قبل كذا
واخذت قارورة مويه واجلس اقرأ فيها وكان ختامها سورة مريم
بعدها اخذت شربه منها وحطيتها جنب راسي
العصر نزلت السداده
وفيه مغص بس مو منتظم
مع العلم اني من يوم مادخلت التاسع معايا طلق بس مو منتظم والرحم مقفل
اللي صار ي عزيزاتي انه نمت طاح عليا تعب
وعلى الساعه عشره وانا جالسه مع اهلي الا احس بشي انفك وطلعت المويات نزلت عليا
اتصلت ع اختي لانها هيه اللي ح تولدني وجات كشفت قالت لسى ١سم امشي
وجلست امشي وكل ماجا الطلق هنقت 😩
قالت المفروض بالطلق تمشي
المهم عكست الموضوع لاجا الطلق مشيت ولا وقف جلست لان رجولي منفخه ومتعبني المشي
بعدها بساعتين تقريبا كشفت قالت لسى ماتغير شي بين الواحد والاثنين سم
تحطمت وقتها وقالت امشي ع بال ما اجهز نفسي اروح معاكي وكذا
تجهزت ومشينا للمستشفى رغم انه بدري بس علشان اختي تبغى تحط جهاز التخطيط لاني سويتلها قلق انه خايفه ع بيبي لانه نزلت المويات وهيك وقالت افك نفسي من القروشه واوديها تطمن 🤓
وفي السياره يحمى الطلق
وبس وصلت الطوارىء ركبت التخطيط واطمنت وكشفت عليا دكتوره قالت ٥ سم
الا جلست اصيح ع اختي قلت ابغى البنج انتي وعدتيني تعطيني ابره بنج قالت نروح لكوشك الولاده وابشري
ووصلت ااكوشم وجابتلي الدكتوره تسألني اسألتهم المعتاده واقول ي دكتتوره بنج
قالت ابشري بس اكشف
كشفت قالت بين ٨ و٩ سم
اي بنج تبغيه الحين
انتي المفروض تدفي خلاص
طبعا اختي نادت صاحباتها لانه ماجالها قلب تولدني صارت خايفه عليا كثير
وجلست جنبي تحمسني
وانا نسيت كل شي
نسيت الولاده ونسيت الدف وصرت اقول ما اعرف ادف خلاص تعبت
مع رابع زحره ضبطت الدف بعد فشل ٣ محاولات
والخامسه الا الحمدلله جات بنوتتي ع الساعه ٢ بالليل
طبعا ذي الولاده بعد عشر سنين انقطاع
للامانه ولادتها هينه حبيبة امها بالنسبه لاخوانها
بس حملها كان متعب اكثر شي وكنت ادعي ربي يهون عليا ولادتي وتكون عكس حملي اللي كله تعب وثقل ووجع
من نصايح اختي ليا تقول المشي لاتمشيه والرحم مو مفتوح تعب ع الفاضي
ولاتفكري تاخذي اشياء تحمي الطلق ورحمك مو مفتوح وكمان لاتخلي احد يدف بطنك وقت الولاده يساعدك يعني
لانه ممكن لاقدر الله ينفجر الرحم
والله مارضيوا يدفوا معايا قالوا نساعدك من تحت بس نحاول نخرجها معاكي
ودايم تقول ارتاحي واهدأي دام ماتعديتي الاسبوع الاربعين لاتقلقي
والاهم
لاتصدقي اختك لو قالت بتولدك لانه مايجيلها قلب تعورك والا تشوفك تتألمي 💔😩
وبس حبايبي
الله يهون ولادتكم وعليكم بالدعاء
وقراءة الفاتحه سبع مرات والزلزله بعد كل صلاة
قلبي معاكم 💞

صحيح نسيت اقولكم ان الاناناس والكيوي يلينوا عنق الرحم

وكمان للي فتح عندهم الرحم وجلس ع وضعه ماتغير يعني مارضي يفتح زياده اطلبوا ابره تلين عنق الرحم

اللي ع كلا اختي لما نحطها للحريم يحسبوها طلق صناعي لانه الطلق يزيد

وهيه لاطلق ولاشي ابره تلين عنق الرحم علشان يفتح بسرعه وماتتبهذلي

وبس 🤗